掃呢頁CODE去手機

2015年3月27日 星期五

豹哥笑住搶鏡 陳彥行蝕晒 [忽然1周 - 1026] 陳彥行,MW,



豹哥演技唔差,拍埋做慣戲嘅江美儀同伍姑娘度,一啲都唔輸蝕。

媽咪姐

豹哥笑住搶鏡 陳彥行蝕晒

廿幾年前發哥做過嘅舞台劇《嬉春酒店》,又嚟公演喇!不過今次唔係原班人馬演出。又咁講,媽咪姐作為劇迷,換角咪仲有新鮮感,係咪先?







呢晚單立文(豹哥)、伍詠薇同江美儀喺理工大學嘅賽馬會綜藝館演出,媽咪姐梗係一早撲飛支持喺 3個鐘入面,真係冇冷場,就算豹嫂胡蓓蔚嚟咗監場,都冇影響豹哥同兩位女角嘅互動,攬錫跳舞呢啲親密嘅身體接觸,仍然交足戲。反而去到一場文戲,佢忽然忍唔到笑,搞到要叫觀眾安靜 10秒,連佢自己都話:「觀眾笑就刺激埋我一齊笑。」真係老貓燒鬚喇!

查實唔只豹哥好艷福,楊天經都唔弱㗎!陳彥行(行姐)同天經佔戲都多,有一場仲由行姐主動捉住天經對手,一嘢摸落自己對咪咪度,嘩!真係全場「嘩!」咗一聲。雖然係劇情需要,但行姐呢次真係大犧牲,唔知劇酬有冇收多啲呢?

豹哥同江美儀喺劇中偷情,佢哋跳「天鵝湖」舞步睇落好認真,但動作好搞笑。

除咗江美儀,豹哥同伍詠薇都有唔少親熱戲,睇佢幾好艷福。

楊天經同行姐有唔少對手戲,俾對方捉住手仔摸落去,真係少啲定力都動「 L」呀!

想當年發哥(中)同「藝進同學會」班同學仔,喺紅館演出《嬉春酒店》,咁快就過咗廿四年喇。

鍾意就快D Share啦!