不一樣的運動 [忽然1周 - 1026] MW,

博出位

不一樣的運動

如果唔係有圖為證，都真係唔信呀！華哥任達華啱啱過完 60歲生日，為咗 keep住副好「波地」，一得閒就走入健身室。不過佢做嘅運動唔係一般嘅跑步或者舉啞鈴，而係跳疊高咗嘅軟墊，至少有 3呎幾高，的確唔係普通人做得到，呢啲真係叫有心有力嘞！

相比起方力申同「方太」鄧麗欣雙雙孭住啲 4.5公升水跑步籌款，就明顯難度高好多喇！

任達華　 60歲有心有力

身形 fit到爆嘅華哥，上星期佢先過 60歲大壽，想 keep住有心有力，咁就要不停做運動兼挑戰難度。今次佢喺健身室挑戰 3呎幾高嘅軟墊，只係助跑咗幾步就起跳，佢仲話下次要挑戰更高嘅高度。

Picture Data

方力申　打孖助人

方力申同鄧麗欣近排成日糖黐豆咁見人，今次仲為咗「揹水一戰」籌款，打孖一齊上。每人要孭住 4.5公升水跑 15公里嘅山路，睇得出呢對「小夫妻」唔單止恩愛，熱愛運動仲好熱心助人。

丁子高　咬實牙關

平時有練開跑步同健身嘅丁子高，今次為咗籌款都去得好盡，睇吓佢孭住啲水跑步呢個樣，睇嚟好辛苦咁喎！

黃智賢　左手抽擊

當好多人都走去行山跑步時，黃智賢就打網球嚟強身健體。原來佢仲係左撇子，佢手臂啲肌肉好發達呀！

姜麗文　騷馬甲線

後生女有咩好，就係唔怕露，佢仲係外國返嚟嘅姜麗文。鬼咩！佢練到馬甲線都出埋，唔露下腰又點對得起自己呀，不過佢冇提到隔籬嗰位係邊位仁兄囉！

黃佩霞　轉場搵錢

身為瑜伽導師兼 Pure Yoga創辦人嘅黃佩霞玩瑜伽唔出奇，但係呢排轉場去咗新加坡教瑜伽，搵錢之餘，仲當旅行，呢啲咪醒囉！

鍾意就快D Share啦！

下一篇 》