靚抽王
藝人 x AV明星大兜亂
好耐好耐之前，有一個叫做蒼井空嘅 AV女優，係人都話佢似
胡杏兒。從此之後，喺網上面有好多被發掘似藝人嘅 AV明星。
啲藝人你哋一定識晒啦，不過 AV明星你哋就未必識。
今次就介紹番俾大家知佢哋究竟係乜水：
周杰倫 x東尼大木 東尼大木是誰？
東尼先生喺朋友邀請下無啦啦成為 AV男優，之後一路都擔當冇乜特色嘅 AV男主角。曾經有綽號係魔鬼筋肉人，但係又唔稱得上係肌肉發達。基本上，如果佢唔係似周董，你睇同一套 AV幾次，都唔會認得佢。近日佢去台灣都有提到想見吓周董，不過佢都好謙虛咁話，驚對方嫌棄自己 AV男優嘅身份，唔會想同自己見面。
吳若希 x羽田愛 羽田愛是誰？
羽田愛 2008年開始拍泳衣寫真集，愈脫愈多，之後 2010年開始拍 AV，係高登巴打們神聖嘅偶像，間接帶紅埋吳若希。去年羽田愛正式宣布退休，高登仔直呼「不能接受」。另一邊廂吳若希竟然幽默自抽，話引退嗰個唔係佢。係囉，我哋都相信你會繼續唱〈越難越愛〉俾大家聽直至世界末日。
林志玲 x波多野結衣 波多野結衣是誰？
2008年出道，喺台灣被譽為 AV界嘅林志玲，以重口味及乜都做嘅大膽演出得到中港台日嘅觀眾歡心。 2011年日本地震時傳出波多野死亡嘅錯誤消息，令到一眾男粉絲對住個芒，相對無言惟有淚千行，不過佢最尾都冇事仲紅到依家。林志玲作為大明星，當然冇對撞口撞臉事件有所表示，但係波多野就話自己冇得同林志玲比，認真卡哇伊。
人有相似
入得娛樂圈做藝人，最緊要有個性，如果有人話你似邊個邊個，通常都唔係乜嘢好事。不過凡事必有因，又唔見有人話劉華似曾志偉。
|
鍾意就快D Share啦！
|
|
|
