靚抽王
戰神向太 VS淚眼煞星栢芝
向太作為向生嘅太太，一向霸氣非常，每次牽涉是非，佢都會使出殺人絕技（講舊屎） KO對手，早前就曾經數臭星爺。去年雨傘運動向太都有份反佔中，真係小朋友同小狗見到佢都驚到掉頭走……直到今年，可能佢嫌個世界太靜，又或者係技癢，向太竟然再次挑起戰端，痛陳佢嘅前愛將張栢芝幾宗罪！
選手甲：
向太
綽號：戰神（真名：陳嵐）
戰績：鬧爆星爺
必殺技：講番舊史、擺其他無辜人士上枱、宣布某某藝人「永不錄用」
選手乙：
張栢芝
綽號：淚眼煞星
戰績：陳冠希事件時曾在有線訪問中鬧爆陳生。前夫謝霆鋒傳與王菲復合時，亦傳出栢芝聲討前夫消息。
必殺技：一哭二鬧三上吊
戰情分析：
話說當年向太同栢芝情同母女，雖然都有過誤會，但係兩人都經過唔少風風雨雨吖。據向太所講，之所以反目成仇，全因栢芝拍戲時態度極差，不單鬧導演製片（片場大忌），仲鬧埋古天樂（娛圈大忌），仲話向太喺度都照鬧（鬧老細當然就係做人大忌），最終逼到向太爆 Seed，向公平公正嘅傳媒大數栢芝。第一回合受創嘅栢芝以為可以以「誤會」為由，搵下台階，誰不知佢嘅對手向太最叻見血封喉，不給對手一條活路。說時遲那時快，向太已經借勢使出一招絕技——「擺其他人上枱」。佢同傳媒透露，早年拍戲時，連劉德華呢個好好先生都頂唔順栢芝（話劉華拍吊威也戲時要等栢芝傾電話）……雖然劉華冇正面回應（佢心裏面嘅悄悄話大概係：又關我事?Why you put me on the table?），但係此招一出，栢芝已呈敗勢，恐怕佢只可以用佢嘅絕技一哭二鬧三上吊，先可以摸番個和。
娛樂激戰
娛樂新聞嚟講，識睇一定係睇罵戰，咁笨唔係因為我哋八，係因為從罵戰裏面，我哋可以睇到人性！同埋一個人嘅戰鬥力！
|
鍾意就快D Share啦！
|
|
|
