掃呢頁CODE去手機

2015年3月27日 星期五

唔續約 HEA拍 鄭嘉穎當謝安琪冇到 [忽然1周 - 1026] 嘉穎,謝安琪,鄭嘉穎,MW,



嫌慢黑面

一拍完,助手已經即時幫鄭嘉穎着番件外套。不過鄭嘉穎都係嫌進度慢,即時黑起塊面。

娛樂喧

唔續約 HEA拍 鄭嘉穎當謝安琪冇到

大台劇收視下滑搵外援救亡,最近就找來人妻謝安琪扮殭屍拍處女劇《殭》,同視帝鄭嘉穎譜出「屍人戀」。不過,開拍不久,即傳出鄭嘉穎嫌謝安琪新手。

其實鄭嘉穎自內地走紅後,連拍幾套大製作的內地劇,氣焰逼人。而他與大台的經理人合約今年完結,一心北上搵真銀的他,打算不再續約,亦睇唔起港劇。難怪拍《殭》時,鄭嘉穎經常黑面耍大牌,不但多次要求改劇本,更與拍檔謝安琪零交流!








鄭嘉穎拍的《葉問》電視劇在內地收 2千萬人仔。難怪佢拍攝時一傷再傷,都冇怨言。

隨住林峯、馬德鐘等紛紛約滿離巢,大台小生買少見少,加上收視持續下滑,大台惟有先播出由鄭嘉穎擔正的《天眼》,再找他與謝安琪合演科幻劇《殭》,實行用大卡士加電腦特技救亡。

呻港劇辛苦

鄭嘉穎自《步步驚心》在內地走紅後,曾以每集四十萬人仔接拍《葉問》等內地劇集。他眼見自己在內地有價有市,不甘被大台抽佣,打算待今年與大台經理人約滿後,就改簽部頭約,主力搵人仔。

「嘉穎成日呻同大台拍劇辛苦,但人工就只有自己內地劇酬十分之一,拍完《殭》佢就還晒大台嘅劇債,以後港劇一年拍一部就算。之前佢聽到《殭》嘅女主角係謝安琪,嫌人哋冇拍劇經驗。

太上導演

周日晚( 22日),鄭嘉穎為《殭》拍外景。拍攝前,燶口燶面嘅鄭嘉穎不時向幕後工作人員「訓話」。

當晚謝安琪同鄭嘉穎同場,不過未埋位時兩人各據一方,戲外完全無交流。

捉新人訓話

周日( 22日)《殭》於太子道教堂取景,貴為視帝的鄭嘉穎一直在車上等候,要導演走到他面前傾戲。全程黑面的他,有戲份時才落車埋位。相反,同場的謝安琪就好識做,未埋位前與工作人員吹水談笑,極度親民。現場所見,兩位男女主角未曾對過戲,遑論在一起說話,完全零交流。

「以前拍劇,嘉穎同我哋有講有笑。不過今時唔同往日,佢依家乜都唔滿意,少少嘢就投訴,不時自改對白。試過 Kay(謝安琪) NG咗幾次,嘉穎即時黑面嘆氣。之後佢又話新人要教,不時捉住黃又南同陳凱琳訓話,好有大哥氣焰。」

打成一片

謝安琪與鄭嘉穎有同場戲份。初次拍劇嘅謝安琪四圍同人傾偈,傾得開心仲會拍打男工作人員,十分親民。

人見人怕

相反,鄭嘉穎唔止同謝安琪冇偈傾,其他工作人員對佢都避之則吉。

不欲記者拍攝

拍完教堂戲份,劇組隨即到郵輪碼頭拍攝另一場戲。雖然拍檔換了港姐出身的阮兒,不過鄭嘉穎同阮兒同樣冇偈傾。鄭嘉穎不停向工作人員指指點點,導演上身。

鄭嘉穎後來發現本刊記者採訪,即攞手機反拍記者,更話︰「你亂影我,到時就網上見!」未幾,他又突然主動走近記者說:「你正常探班,大家咪合作囉。」

係囉,你有壓力,大家都有壓力,拍檔及幕後人員都有壓力,應有同理心至啱㗎!

除了拍劇,鄭嘉穎亦是家鄉雞代言人。他拍攝時穿着的外套,被人以一萬七千多元投得。有 fans撐,難怪佢有恃無恐。

只顧 chok樣

港姐出身的阮兒,當晚是鄭嘉穎另一位拍檔。不過直到埋位前,鄭嘉穎與阮兒都係冇偈傾,淨係掛住自己 chok。

老生救亡

大台近年人才流失,補救方法,就係搵舊將回巢助陣,造就不少中生及老生翻生。

49歲 胡渭康

「小虎隊」胡渭康在《衝線》飾演林夏薇死敵,而近日開拍由陳慧珊擔正的《波士早晨》,他就飾演西廚,同樊亦敏做情人。

50歲 曾航生

歌星出身的他,在《名門暗戰》、《宦海奇官》、《四個女仔三個 BAR》及《以和為貴》都有演出,戲份少但曝光率高。

55歲 吳岱融

飾演「花無缺」成名的吳岱融,九十年代曾和老婆鍾淑慧合演三級片。他今年回巢,和邵美琪及黃德斌合作演出古裝劇《刀下留人》。

65歲 潘志文

亞視、大台兩邊走的潘志文,早於去年回巢,已拍過《大藥坊》及《衝線》。即將播出的《水髮胭脂》及《以和為貴》,他亦有不少戲份。

鍾意就快D Share啦!