霸富妻車 冇錢起屋 黎諾懿死充爆煲 [忽然1周 - 1026] 黎諾懿,MW,

媽咪姐

霸富妻車　冇錢起屋　黎諾懿死充爆煲

近排「五億女婿」黎諾懿又有新聞，有報道話佢不思進取，俾富貴外父沒收百萬 Benz同千萬別墅。黎生梗係急急澄清：「其實咁多年嚟，我都係住自己層樓，揸自己架車，結咗婚唔等於攞人哋嘢，我靠自己都 OK！」不過事實係點？媽咪姐上年年頭先見佢好 happy咁揸住外父名下、由落選港姐老婆李潔瑩揸開嘅百萬黑 Benz返工放工拍《愛•回家》，都唔知有幾多大台中人「葡萄」佢呀。

其他影片：>>黎諾懿遭 5億外父閂水喉
>>黎諾懿霸老婆 Benz唔認

至於「住自己層樓」呢一點，係人都知黎諾懿咁多年都係用萬幾蚊租西貢村屋。咁，其實唔係問題吖！香港地，依家買得起樓，差啲係神蹟啦。之但係黎生婚前講到話會喺元朗買地起屋喎！講到好似狂賺人仔嘅王祖藍咁，用千幾萬起間三層獨立屋呀！媽咪姐嗰時聽到，都有啲戥黎生擔心㗎。點知結咗婚幾個月嘞，說好的豪宅呢？影都見唔到。嗱，不過周一（ 23日）黎生有解釋㗎，話已經由老婆負責，賣咗塊地，仲賺咗少少㖭！

哦……又會咁突然？都好嘅，話晒 1星期拍足 5日嘅《愛•回家》就快拍完，雖然據聞黎諾懿有份再拍下套處境劇，但未來嘅嘢始終冇人知，量力而為係啱㗎。媽咪姐想提多句啫，做人講多無謂，行動最實際！當年大台「新五虎」個個上咗位，老婆等緊你呀「馬壯」。

美容王國太子女李潔瑩對黎諾懿死心塌地，唔介意住舊村屋，洗衫煮飯，仲連自己揸開嘅百萬 Benz都俾埋黎生揸㖭。

上年 2月揸免費 Benz

「馬壯」話揸開「自己車」，咁老婆梗係「自己人」嘅。

結婚又有賓利

去到 11月結婚嗰陣，外父借出 2百幾萬賓利俾黎諾懿接新娘。現實中嘅黎生就啱啱換咗架廿萬嘅韓國車仔。

原名黎日昇嘅黎諾懿入行 12年，直至拍《愛•回家》先多人識，名下冇任何物業，只有一間同兄弟夾份嘅車房。

不過最近佢接咗個投資廣告，老婆似乎真係旺佢。

傳聞話黎諾懿外父李志強（下圖左）希望女婿跟佢學做生意，但黎生講明冇興趣，仲話大舅（下圖右）做得好好。查實黎諾懿得閒就 post煮嘢食相上微博，第日開間食店囉！不過要努力儲錢嘞。唔係又俾人話靠外父就唔好啦。

鍾意就快D Share啦！

下一篇 》