全城熱爆的娛樂八封新聞 & 時事趣聞 & 生活 + 趣聞
平時見糖妹得得意意又傻更更咁，估唔到佢行出街都可以引死仔，仲要係乜肉都唔使露，你都咪話唔勁。
唔信？睇嘢嗰日糖妹着住件大碼衫，企喺馬路邊，耷晒頭玩手機咁都俾個𡃁仔認到呀，仲叫埋班 friend一齊睇。包到裹蒸糉咁嘅糖妹，竟然咁多仔𥄫，真係恨死嗰啲以為事業線夠長先引到人嘅肉女呀！
原來依家行出街最高收視嘅並唔係性感女。亦唔係索女，係傻女先真。
糖妹由等紅綠燈過馬路，已一味低頭玩電話，連過馬路都未曾岳高過頭。睇車呀！
糖妹日前執到靚一靚到商台接受訪問，話剛啱喺台灣拍完旅遊專輯同新歌 MV，遲吓再去沖繩拍旅遊書。
