掃呢頁CODE去手機

2015年5月8日 星期五

周汶錡 官恩娜 靚就乜都得 [忽然1周 - 1032] 官恩娜,周汶錡,MW,



Kathy同 Ella為搵食,大住個肚都接鞋履品牌活動,仲揀斗零踭鞋,真係貪靚。

媽咪姐

周汶錡 官恩娜 靚就乜都得

中國人成日話驚 BB小器,周汶錡( Kathy)同官恩娜( Ella)就冇呢個問題喇!話晒佢哋老公都係外國人,傳統習俗冇咁多,最緊要係奶奶思想夠開通。

周三( 6日),佢哋出席意大利鞋履品牌活動,嘩!着住對高踭鞋行嚟行去,真係嚇親媽咪姐呀! Ella話自己對鞋係矮踭鞋喎,只有 2吋半,好彩奶奶一直冇俾壓力佢。但聽聞佗仔(驗咗係仔)會變醜,佢話為咗囝囝只好醜 10個月咁多但係 Kathy比 Ella更貪靚,點都揀對 4吋鞋拉長條腿。佢話下月底係預產期,依家瞓覺總覺得 BB會爬出嚟,嚟緊會少啲出街多休息喎!計媽咪姐話出吓街行多啲,對生仔健康啲。不過香港人多車多,換番對平底鞋會安全啲囉。

對 Kathy嚟講生仔係好驚嘅事,佢話:「佢(法籍老公 Julien)要全程陪我瞓醫院同入產房,生仔好痛苦好驚好寂寞,一定要(陪我)。」

前幾日 Ella仲講緊出街俾人推,單腳離地,搞到去街市都要搵老公 Domingo保護。其實有咗,呢啲咁濕滑又人多嘅地方,少去啲

鍾意就快D Share啦!