2015年5月21日 星期四

剝完再剝 男一有代價 王浩信又除褲晒底凸雕 [壹週刊 - 1315] 王浩信,M1,



探熱針

剝完再剝 男一有代價 王浩信又除褲晒底凸雕

現年三十一歲的王浩信,三年前同大兩歲的陳自瑤結婚生埋女,人夫愈戰愈勇,拍《東坡家事》晒人魚線,最近接拍《 EU超時任務》更進一步,除剩底褲凸雕;難得擔正男一,王浩信連剝兩次,繼在旺角大街晒完一次,凌晨時分又封街再凸多鑊,賣大包!

有求必應爭取發圍

一線小生走得都走,大台極缺人的情況下,加上聽話有求必應,去年拍《再戰明天》做懲教官,已經自動波狂操練大隻;拍古裝劇《東坡家事》,在零度下的橫店震住拍摔跤戲露人魚線,爭取關注;令入行十年,長期做二幫的王浩信,有機會發圍。

「公司有一段時間乜都學韓劇,試過叫晒啲男藝人剪韓仔頭,好似黎耀祥、黃浩然全部都係同一個髮型。新 order係騷肌,近呢幾個劇,啲仔都要晒肉,大家為咗唔想出嚟失禮人,唔使開工就去舉重健身,執靚啲個 body。」一名劇組人員說。

作為晒肌中堅的王浩信,上月尾為新劇《 EU超時任務》在鬧市大街大巷著住條底褲埋位,上週二(五月十二日)凌晨時分,又要再剝多次。劇情講做大佬的王浩信被飾演警察的朱千雪和袁偉豪搜身時,專登玩嘢剝褲露底。

楊證樺在拍攝時,也有作狀除皮帶剝褲。

跟同場的楊證樺及戴耀明排好動作,才開始正式拍攝。

未埋位,王浩信扯煙兼 chok住自拍。

肥十磅肌男變肉男

一早已經到達現場的王浩信,等埋位期間先扯煙自拍,直至劇中做他兄弟的楊證樺、戴耀明到齊,三個人舉手扭腰,又打晒拍子扭下身,埋位先練習設計好的動作。

當晚其實只有王浩信要除褲,但導演為免再惹來途人圍觀舉機亂拍影響進度,於是將除褲戲安排到後巷拍攝;王浩信亦只需剝完再著番,不似上次著住底褲孭住雪妮在旺角跑街。

「其實嗰次 Vincent(王浩信)都好尷尬,因為個角色要肥肥哋,所以佢谷肥咗成十磅,周身肉著住條底褲跑街俾人睇住晒,都幾難堪㗎!所以今次就算喺後巷拍, Vincent都同監製要求正式嗰陣搵工作人員截人封街,唔想好似上次咁醜怪。」一名劇組人員說。

向來受女仔歡迎,新劇《 EU超時任務》記者會,又再被一班女角圍。

在《東坡家事》中,王浩信在零下兩度大騷朱古力肌,好搏。

拍《東坡家事》,跟心穎 BB傳緋聞,兩人例牌否認。

跟陳自瑤結婚三年多,王浩信 po「肌」相之餘,間唔中會晒幸福家庭照。而老公弗爆,人妻陳自瑤早前亦有晒三點式照回應。

有料唔怕晒

男人剝,近年在圈中已成風氣,操弗 body拍戲拍劇,隨時招來商機,拍埋廣告搵多筆,所以有料真係唔怕晒。

許志安

經常同老婆鄭秀文跑步健身的許志安,在剛完成的個唱著緊身褲在台上又跳又唱,再展雄風。

方力申

香港泳隊出身,一向弗爆的方力申,去年做內褲代言人,為求效果,「巨雕」再經加工,非常誇張。

鍾意就快D Share啦!
Related Posts Plugin for WordPress, Blogger...