掃呢頁CODE去手機

2015年5月21日 星期四

快斬 唔想做肥代言  Eason急操 14日 [壹週刊 - 1315] Eason,陳奕迅,M1,



唔想太肥上鏡, Eason閉關操練兩星期先肯埋位。

探熱針

快斬 唔想做肥代言  Eason急操 14日

孭住三億樓債,陳奕迅繼續不停周圍飛做巡迴演唱外,早前又以千萬天價,續約做運動服品牌代言人。據知,一向任由 body自由發展的 Eason,突然嫌自己太肥仔,主動要求延期拍攝,要閉關急操兩星期先肯埋位。

冧庄四年

連續四年成為品牌的全球代言人,向來採取「自由肌」態度的 Eason,臨開工前突然提出要急操修身,改期再拍。

「個廣告本來 plan咗四月尾拍,所有嘢都 book好晒,點知拍之前嗰日, Eason話自己狀態唔好要延期,但 book晒嘢,廣告商唯有照開工拍 product先。聽講 Eason嗰兩個星期又節食,又做運動。」知情者透露。

上星期一(五月十一日),終於開工!攝製隊上午先到上環普義街拍外景,身穿白色 T恤的 Eason經過急操後,毫無動靜,依然圓碌碌。一埋位,擺出 chok樣同轉幾個 pose,輕輕鬆鬆,攝影師便收貨轉場。

換衫前,眼利的 Eason發現記者,即面燶燶通風報信,工作人員急上前阻撓記者,「我哋啲衫下季先出,唔出得街住㗎。」

連續四年成為運動服代言人, Eason以千萬身價續約,拍攝當日更有成大隊兵傍住服侍。

一見記者採訪, Eason即刻𤷪𤺧,扁晒嘴。

每轉一個景, Eason輕鬆擺幾個 chok pose,就收得工。

工作人員擺起遮陣,阻撓記者拍攝。

雨愈落愈大,大隊要邊拍邊等。

因為太大雨,大隊匿入餐廳暫避, Eason更萬歲請下午茶。

超晒支

飯後大隊轉往樓梯街繼續,因為開始落大雨,工作人員乘機擺起遮陣,阻擋記者視線。雨愈落愈大,大隊索性 set起帳篷,邊等邊拍,期間還要走入附近茶餐廳避雨,原本計劃要轉七個景,最後亦被 cut剩四個。

「 Eason啲期好 tight,上次改咗期,已經 over budget,所以落大雨都要夾硬繼續拍。」一名工作人員說。

為咗老婆同囡囡康堤有更好生活環境, Eason寧願密做巡迴,都要買大屋。

去年在廈門的巡迴演唱會中, Eason唱到興起,脫下上衣晒腩。

鍾意就快D Share啦!