全城熱爆的娛樂八封新聞 & 時事趣聞 & 生活 + 趣聞
被富貴男友紀曉波安排入住中環四季酒店，平日只會落樓下 IFC行街嘅吳佩慈，難得帶埋阿媽、囡囡以及工人去幫襯茶餐廳。
一心諗住泊到百億富豪紀曉波碼頭，就可以繑埋雙手做少奶奶嘅台灣女星吳佩慈，雖然响香港住四季酒店，出入有司機接載，盛傳每月有 10萬家用俾佢「責」袋，不過吳佩慈到今時今日，囡囡小蕊蕊已經一歲，始終做唔成「紀太」，男朋友更經常唔喺身邊。
早排《壹》仔撞到吳佩慈帶埋媽咪、囡囡同工人，三代同堂行街，第一站係珠寶行，不過唔係買「卡卡聲」嘅大粒鑽戒，吳佩慈只係買咗條金鏈仔，似係用嚟送禮。買完金，一行四人冇去酒店 high tea，反而去翠華食茶餐醫肚。其實好又一餐、唔好又一餐，講到尾，老公成日唔喺身邊，就算餐餐俾你食龍肉，都冇味
吳佩慈第一站去買金鏈，囡囡小蕊蕊由婆婆照顧。
只有一歲多嘅小蕊蕊好有性格，媽咪搞佢頭髮，會嬲到擰轉面，更加唔願錫錫媽咪。
見到《壹》仔鏡頭，吳佩慈急步行上司機車走人。
