掃呢頁CODE去手機

2015年5月21日 星期四

苟芸慧接受現實 [壹週刊 - 1315] 苟芸慧,M1,



攞住個洗面機牌子紙袋,睇嚟苟姑娘呢日收穫唔錯。

同你吟一吟

苟芸慧接受現實

傳聞因為減肥失敗,由二線花旦被迫跌落大配角嘅苟姑娘苟芸慧,雖然佢話冇啲咁嘅事,但大台新劇《 EU超時任務》,女主角係朱千雪,苟姑娘要做反派,扮演潑辣港女。

身材唔爭氣,好在苟姑娘話佢嘅甲狀腺指數已經回復正常,心情亦變得樂觀積極,上個禮拜四晚七點幾(五月十四日),《壹》仔見到戴住口罩嘅苟姑娘,同個女仔朋友夜行金鐘太古廣場,去完 Coach睇手袋,再去 YSL化妝專櫃睇唇膏。

一度因為情緒問題,苟姑娘試過連街都唔願出,雖然磅數未減,仲係虎背配熊腰,最低限度肯出街行吓見朋友,凡事冇一步登天,減肥話晒係女人終身事業,其實只要苟姑娘肯積極面對,想瘦,冇話唔得嘅!

睇完手袋睇唇膏,雖然仲係肥,但苟姑娘起碼肯面對現實,出街見朋友回復社交生活。

當見到鍾嘉欣同岑麗香皮包骨身材,茍姑娘的確特別強壯。

鍾意就快D Share啦!