2015年5月22日 星期五

今次斷正 黃曉明Baby秘密赴巴黎影婚紗相 娛樂,曉明,Angelababy,Baby,黃曉明,



黃曉明同Angelababy呢一對,真係打風都打唔甩。早前網傳佢哋十月上海結婚擺酒,仲流出一張疑似結婚相㖭!但經證實後,呢張相並非新影,而Baby亦澄清咗發布呢張相嘅fb專頁並非官方戶口,仲話保留一切法律追究權利㖭喎!

其實追咩究吖!人家都係替你哋開心啫!講番結婚單嘢先,其實真係事在必行㗎喇,只欠一輯唯美嘅結婚相啫!有網友就發現佢哋已經秘密遠赴浪漫花都巴黎,一行多人去咗北部嘅楓丹白露宮,估計呢次係影婚紗相!為咗保密,佢哋嘅工作人員仲不時趕走附近嘅中國人,真係強權呀!

咁啱得咁橋,有網友亦發現佢哋去咗Hermes總壇朝聖,黃曉明全程企喺Baby身邊唔出聲,只係負責埋單,任Baby隨便落order買包包。另外尋日又流出一張Baby試婚紗嘅相,睇埋Baby身型,升cup再發育喎!

恭喜晒!

鍾意就快D Share啦!
Related Posts Plugin for WordPress, Blogger...