掃呢頁CODE去手機

2015年5月8日 星期五

BB今年幾歲?明星篇 [忽然1周 - 1032] MW,



靚抽王

BB今年幾歲?明星篇

香港人一向有乜玩乜,近排有個叫 how-old.net

嘅網頁,據說只要上載閣下尊容,就可以分析你今年貴庚。不過電腦分析嘅嘢,我哋識條鐵咩,見某啲藝人明星如周海媚、彭浩翔都有玩,啲分析結果又硬係後生過真實

年齡,於是我哋都搜羅一堆靚相,同朕 check吓係唔係真係咁準先得!







測試對象 1 夏蕙 BB

測試結果:話明 BB,頂多 3歲,邊度嚟 19歲呀,黐線!不過喺大家心目中,夏蕙 BB確係似 19歲少艾咁活潑可愛,所以又錯唔晒喎。

測試對象 2 翠如 BB

測試結果:測唔到翠如 BB嘅真實年齡都算,仲要喺同一幅相測同一個人都有兩個結果?咪住先!可能佢啱都唔定,因為後面海報幅相有可能係四年前影的。

測試對象 3  Angelababy

測試結果:呢個測試結果竟然仲老過 Baby嘅真實年齡,人哋理應 26歲咋喎。而且一般愈整愈後生,冇理由愈整愈老嘅,一定係你個分析有問題啦唔使問。

測試對象 4 真• BB

測試結果:非常準確,喺呢個充滿謊言嘅世界入面,終於都見到真相嘅光明。

其他測試 變形俠醫

測試結果:我唔信佢 56歲囉,阿伯點同啲壞人打呀?何況演員 Mark Alan Ruffalo都係得 47歲啫,又一次證明呢個網純粹供人自 high,真心膠請勿當真。

譚校長

測試結果:係人都知校長嘅真實年齡係 25歲啦,就算攞佢個超真實年齡嚟講,都唔對路喎。校長 1950年生(唔好同人講),今年都 65啦, 46歲係點計出嚟先?

狂熱治療

每期為你分析香港人嘅狂熱症狀,提供解決藥方及心理測驗。

鍾意就快D Share啦!