2015年5月20日 星期三

出走美國避Eddie 朱慧敏四季酒席撻訂 Eddie,朱慧敏,





其他影片:>>






爆出彭懷安Eddie偷食長腿索女當晚,朱慧敏對明年嘅婚事不置可否,不過經考慮後,最終都係決定將婚事煞停。

一次偷食,並非引爆男方多次嘅不良紀錄,反而係兩人因為籌備婚禮所面對嘅問題:自訂下婚期,完美主義嘅朱慧敏忍受唔到Eddie嘅隨意性格,不斷嗌交之餘,近排更搞到冷戰一個月。

據知,朱慧敏上月嘅34歲生日都冇同未婚夫過,直至爆出偷食事件,兩人先有番偈傾;可惜男友一次又一次偷食同攬女,令到為婚事相當疲倦嘅朱慧敏唔知點繼續落去,所以寧願將酒席撻訂,都唔想因為婚禮搞到大家有壓力。

與此同時,朱慧敏亦計劃月尾去美國三個月,令兩人關係過一過冷河,諗清楚。而Eddie前晚被問到未婚妻即將離港一事,佢表示暫時到唔會飛過去美國,因為知道對方持觀望態度;不過佢都表示,因為發生偷食事件,令兩人關係由「冷戰」去到「冷靜」期。

鍾意就快D Share啦!
Related Posts Plugin for WordPress, Blogger...