掃呢頁CODE去手機

2015年6月11日 星期四

玩女手法激似 莊士兄弟鍾情國產女 [壹週刊 - 1318] M1,



莊家彬同莊家豐兩兄弟,無論樣貌同打扮都極為相似,但估唔到連溝女手法同口味都一致,近期兩人都同大陸姑娘拍拖,非常愛國。

探熱針

玩女手法激似 莊士兄弟鍾情國產女

莊士集團太子爺莊家彬,搭上三十歲北姑程新惠,設局飛起拍拖九年的傅明憲,情聖假面具盡毀!但原來一脈相承,胞弟莊家豐,同樣有鋪一腳踏兩船癮,仲要同一下場,衰喺大陸妹手上。

兩兄弟作風一致,口味相近。

一腳踏兩船

莊士集團主席莊紹綏與前邵氏影星老婆葉靈芝,育有三子一女,長子莊家彬,因為與傅明憲拍拖而最為人熟悉,加上近期被踢爆為了北姑小三程新惠,設局呃傅明憲答應分手,更成為新聞人物。

次子莊家豐,雖然不及長兄莊家彬有名氣,但兩兄弟對感情處理手法及口味,其實相當一致。

莊家豐的現任女友,在國內有音樂才女稱號的林天愛,戀情中港通!早前記者發現二人拍拖到太古廣場 Great買餸,再返屋企玩煮飯仔,只見莊家豐親手餵女友食薯條,服侍周到。

不過,原來林天愛也是小三變正印!莊家豐本來有個拍拖多年女友郭萱彤,趁對方到美國讀書,莊家豐偷嗒林天愛,由於小三不時有意無意洩露二人關係,收到風的郭萱彤於是嗌分手,莊家豐亦一度重回正印身邊,但來自國內的林天愛,好鬥難纏,對到手「獵物」咬住不放,最終踢走埋正印,順利坐正。

莊家彬一時否認拍拖,轉頭又認同程新惠拍拖三個月,唔知邊句先至真。

傅明憲同莊家彬拍拖九年,最終不敵小三北姑。(《蘋果日報》圖片)

莊家豐同林天愛行超市,兩人十足連體嬰,男方更親手餵薯條。

當年做莊家豐小三的林天愛,經常洩露兩人親密關係,搞到正印郭萱彤(紅衫)退出,大陸女人果然有手段。

當年做莊家豐小三的林天愛,經常洩露兩人親密關係,搞到正印郭萱彤(紅衫)退出,大陸女人果然有手段。

林天愛曾經與李雲迪合作,被封為音樂才女,原本條件不俗,但莊父嫌她跟自己朋友,曾經過往甚密。

莊父唔滿意

莊紹綏家教甚嚴,阿仔想同邊個拍拖,全部都要經他批准。

溝女模式同大佬莊家彬十分近似,同樣是被國產女操控!不過,林天愛想入莊家門做新抱都唔易,因為老豆莊紹綏向來對子女的身邊朋友充滿意見,長子莊家彬同結過婚的傅明憲拍拖九年,一直不獲父母接受。

「莊生(莊紹綏)對 Edwin(莊家豐)呢個女朋友都唔多滿意,因為佢有個老朋友,之前都識得 Cecilia(林天愛),仲係好熟嗰隻,所以莊生覺得唔係咁好,想個仔搵個更加門當戶對嘅女仔。」莊家豐身邊人說。

鍾意就快D Share啦!