2015年6月17日 星期三

高登仔狂轟科大 A貨張敬軒 [FACE - 421 - 大專校園] 張敬軒,高登仔,科大,MF,



A貨軒仔個 YouTube,全部都係佢啲出騷片,十居其九都係唱張敬軒啲歌,其實佢亦係黎明同祖兒 fans,仲會用軒仔聲唱對方嘅歌添!(YouTube畫面)

U Spy

高登仔狂轟科大 A貨張敬軒

張敬軒聲正又唱得!估唔到 A貨都一樣有市場,科大近年就爆出個 A貨軒仔,雖然外形差成條街,不過把聲就十足軒仔咁好聽,仲有唔少女 fans添。

呢個 A貨軒仔叫李樂人,喺科大升讀 Yr.2,平時最鍾意唱歌,佢仲自稱網絡歌手,整埋官網同 YouTube頻道,最搞笑係佢當正自己係歌手,出埋錢印碟送畀知音人,仲要搞簽名會,行為雖然有啲自戀,不過 A貨軒仔竟然成為各大學中學嘅騷王,兩年內出過近 80個校園騷。 A貨軒仔話:「因為畢業會幫屋企打理生意,所以唔想咁高調,我唔接受訪問」唔高調又出咁多校園騷,真係奇!除咗 Spy頂唔順佢巨星上身,連高登仔都圍插 A貨軒仔,話佢唔掂,叫佢慳啲!

好多高登仔對樂樂自資出碟狂插,覺得佢自戀兼不切實際!

高登仔狂炳,但樂樂卻好受中學女生歡迎,有 fans為佢搞聚會添!(網上圖片)

鍾意就快D Share啦!
Related Posts Plugin for WordPress, Blogger...