熱爆娛樂: 好避忌　主播唔肯上攣 show　梁梓禧：黃紫盈要加錢先肯做 [FACE

2015年6月17日星期三

好避忌　主播唔肯上攣 show　梁梓禧：黃紫盈要加錢先肯做 [FACE - 421] 黃紫盈,紫盈,梁梓禧,MF,

今季嘉賓

上週三（ 10日）鄭融錄影《攣直後援會 II》，節目中有疑似 TB喺鄭融面前大跳熱舞，鄭融忍唔住跳埋一份，果然好鍾意同 TB玩。

真面目

好避忌　主播唔肯上攣 show　梁梓禧：黃紫盈要加錢先肯做

now TV同志節目《攣直後援會》新一輯最近出街，撞啱出櫃議員慢必喺港鐵被惡婦歧視事件，同性戀問題再次炒熱。

雖然話就話開放咗，但仍然有藝人唔敢掂同性戀話題！《攣直》主持梁梓禧（前名梁奕倫）同茜利妹就大爆邊啲藝人唔敢上節目，又爆前主播黃紫盈竟然要加錢先肯做，使唔使咁市儈呀？

其他影片：>>主播唔肯上攣騷　黃紫盈要加錢先肯做

《攣直後援會Ⅱ》跟上一輯一樣每集都有嘉賓，上輯攣人如黃耀明、何韻詩當然支持，亦有直人鄭大班、陳柏宇等都毫無避忌。

關楚耀唔肯上

關楚耀擺明係直男，卻唔敢上攣騷。

周嘉儀唔敢講

周嘉儀唔怕講小三緋聞，但就唔敢講同志話題。

黃紫盈叫價貴

黃紫盈獅子開大口，要加錢至肯上同志節目。

關楚耀都推

但兩位主持梁梓禧同茜利妹上週接受訪問時，就大爆今輯有藝人一聽見節目講基就即刻落閘 say no。最令梁梓禧驚訝嘅係關楚耀，他說：「佢拍得床上戲，又拍《喜愛夜蒲》，佢接受程度應該好高，唔係乖乖仔形象啦，但佢公司覆我哋話唔想佢牽涉呢啲問題，牽涉咩問題呢？我又唔係叫佢講係藍絲定黃絲！」

茜利妹就有意請一男一女前主播做嘉賓，她指柳俊江一口應承，但最近為咗個 fb搞到是非多多嘅周嘉儀就拒絕，茜利妹話：「佢好快就推咗，因為佢𠵱家喺證券公司做董事嘛，公司覺得形象唔啱，但喺另一個節目做我嘉賓就應承，梗係有問緋聞啦，但呢個節目一有個攣字喺度呢，就即刻唔肯喇！」

今輯嘉賓有同鄭俊弘拍過拖嘅姜麗文。

丁孝蟹邵仲衡已應承上節目，下個月有得睇。

明哥堅撐

黃耀明一向為同志平權而努力，兩輯《攣直》都有做嘉賓。

上季大班撐

電視畫面

上一輯仲有大班鄭經翰，都俾面乜都講。

叫價貴過明哥

鄭融同外籍男友拍拖 4年，但未有意結婚，鄭融話：「我好信直覺，暫時唔想住，結婚係責任嚟！」

周嘉儀唔制，於是轉搵淚眼黃紫盈，梁梓禧說得到嘅答覆更 O嘴：「佢話我有興趣嘅，但係嘉賓費可唔可以如果 over半個鐘就加錢呀？好笑呀𠵱家啲細路，真係好 cute！另外又問啲化妝、整頭費可唔可以另加俾錢佢出去整，咁我計埋佢化妝、整頭，再加嘉賓費，你係貴過明哥（黃耀明）好多喎！呢條數我係可以請甄妮喎！」結果邀請咗前有線主播曾美華，柳爺搭曾美華可能仲有新鮮感喎！

直擊《攣直 II》　鄭融：最愛 gay friend

上週三（ 10日）鄭融錄影《攣直後援會 II》，自言最愛同 gay man及 TB做朋友，鄭融認真說：「同 TB一齊可以擺低少少女仔 feel，係好玩！我有嘅嘢佢都有 gay man又係好玩，我又唔會喺佢哋面前避忌換衫呀、走光呀，佢自己會避開㗎！」不過鄭融最鍾意都係男人，冇 feel到過有女仔追自己喎！