掃呢頁CODE去手機

2015年7月10日 星期五

亞視全球招募到……乜嘢人? [忽然1周 - 1041] 亞視,MW,



靚抽王

亞視全球招募到……乜嘢人?

據說,死過翻生嘅亞視又再宣布請人,仲要係威到「全球招募」!我哋真係好關注佢究竟會請到乜人?如果真係請唔到人,咁唔掂喎!所以我哋特登幫佢哋歸納番一啲推薦對象,等佢哋請人嘅時候有番啲依據。



其他影片:>>亞視請人!






總括亞視以下嘅往績:

1.冇糧出

2.冇發展(有發展會自動離巢,如歐錦棠、杜汶澤、田蕊妮、張家輝、關詠荷、江美儀、陳展鵬、謝雪心、萬綺雯、陳煒等)

3.搞笑(唔係有心搞,例如邀請岩布仙尼喺台慶唱 Happy Birthday To Me)

4.被恥笑(亞視藝員常被迫做反智表演,例如老細王征曾喺政總門口跳舞……)

5.重播(即係冇乜新節目,亦即係藝員冇嘢做)

歸納出亞視需要以下人才:

•好得閒嘅人

•好有錢嘅人

•不求回報嘅人

•唔介意冇工開嘅人

根據以上嘅歸納,亞視需要嘅人才有幾個共通點,基本上可以概括為兩種身份,就係:( 1)義工( 2)善長仁翁。

嗱,我哋唔係吹水,我哋真係搵咗 3位朋友,係完全符合亞視全球招募嘅條件:

朱主席

年前同彭嘉麗合唱而忽然出位嘅奇人朱主席,極愛出鏡,感覺上佢非常得閒,鍾意引人笑同時又唔怕俾人笑,同亞視形象不謀而合,亞視絕對需要佢。

股神巴菲特

眾所 X知,巴菲特係全世界最有錢嘅人之一,又熱愛慈善,更加係一位退休人士。即係話佢有錢,有心,又得閒,又可以不求回報,絕對適合成為亞視新員工。

王維基

港視嘅劇好快就播晒,亦即係維基好快會冇嘢搞。咁既然佢一直有意同亞視合作,甚至係收購亞視,咁不如加入成為藝員,學陳啟泰咁《戰狼 300》以一敵百,主持吓《百萬富翁》,拍吓劇過吓免費電視癮……

免費創意

幫啲冇能力搞搞新意思嘅人度橋,係我哋聰明人嘅責任。

鍾意就快D Share啦!