掃呢頁CODE去手機

2015年7月10日 星期五

小公主受洗 哥哥喬治曳曳搶鏡 [忽然1周 - 1041] MW,



我唔係百厭,我有性格啫!(設計對白)

出外埠

小公主受洗 哥哥喬治曳曳搶鏡

英國時間周日( 7月 5日),威廉王子伉儷帶出世兩個月嘅夏洛特公主,到諾福克郡嘅聖瑪麗莫德林教堂受洗。







貴為當日主角嘅夏洛特好乖,只係輕微喊咗陣,反而大佬喬治就有少少曳豬嘞。行路扭扭擰擰,中途仲疑似眼濕濕扭計,搞到阿媽凱特都要眾目睽睽之下教訓喬治。哎喲,望到都心痛死人囉,快嚟媽咪姐懷抱呵呵呀!

凱特王妃由 BB車抱起夏洛特,不過小公主唔太適應強光,扭計咗一陣。

出世兩個月嘅小公主鼻高高眼大大,啲眼睫毛又長又攣,大個一定好靚呀。

喬治當日着上白衫紅褲,同 31年前威廉着嘅好相似。

行路慢吞吞

喬治行得慢吞吞,唔多願郁咁,威廉初時都笑笑口。

威廉抱抱呵番

後來唔知係咪行得太攰,小喬治有啲忟憎,威廉即刻慈父上身抱抱。不過媽媽凱特冇出手𠱁,個樣仲有啲嚴肅。

皇太嫲傾偈周身郁

太嫲英女皇(右一)當日亦有出席,仲撩下喬治傾偈,但小王子就 focus唔到周身郁。

威廉仔頭頂反光

喬治小王子搶晒鏡,另一焦點就係威廉王子個頭。

你知我知天知地知,威廉頭頂只有輕輕一層髮毛,距離地中海嘅日子不遠矣!以前就話企喺度冇咁明顯(除非高炒)。不過家下做咗父母,平日𠌥低身陪小朋友行出行入,有時仲要踎低講嘢,頭頂塊「反光板」反呀反,媽咪姐都係戴番副超先!

後生濃密

戴帽仲呃到人

崵身變反光板

正常企喺度嘅威廉雖然得嗰兩撮毛仔,但喺陽光幫助下感覺仲係有頭髮嘅。不過佢一𠌥身,哎吔,𥋇親媽咪姐對眼嘞

遠睇兩條毛

鍾意就快D Share啦!