掃呢頁CODE去手機

2015年7月10日 星期五

今期人物王晶 [忽然1周 - 1041] 王晶,MW,



靚抽王

今期人物王晶

屎尿屁

解說:有王晶電影嘅地方,就有屎尿屁嘅存在。不過以前被人詬病為離經叛道嘅晶哥,今日已經長大,成為投訴學生阻街嘅藍屍喇!









解說:王晶愛錢,就等於雀仔識飛、馬騮識爬樹、 689會講大話……此事實早已同晶哥嘅電影一樣咁膾炙人口。近日,晶哥為大台拍出膠劇傑作《風雲天地》,佢不單大言不慚話自己拍嘅劇係「好嘢」,又漠視所有人嘅批評,指其他人嘅指責只會使收視愈嚟愈高。可惜事與願違,劇集收視再破新低,晶哥最後表示自己只係「睇錢份上」……基本上呢句嘢同佢講「阿媽係女人」、「我係王晶」冇分別。

河蟹

解說:去年佔領事件晶哥喺微博高調表示要 unfriend三位支持佔領嘅藝人(杜汶澤、黃秋生、何韻詩)。但網民指發哥都表示支持運動,為何晶哥不 unfriend他,晶哥指兩者不能相提並論,大家對此解釋十分滿意。當然杜汶澤、黃秋生、何韻詩都冇為佢拍《賭城風雲》。

無恥.無聊

解說:去年有大台前員工偽文豪出書大爆黑幕,晶哥義不容辭指此人既無恥又無聊,但被偽文豪秒殺:「晶哥電影一向以無恥無聊為核心價值,佢話我無恥無聊,其實係唔係讚緊我?」

肥螳螂的自信

解說:早前政治人物黃洋達聲稱要在擂台上對戰某建制支持者,晶哥對此表示同意,仲話想同壹傳媒創辦人黎智英對戰。但有心水清網民表示,以黎生六呎高身形,晶哥覺得自己作為一隻肥螳螂,能與之一戰,實在係「看得自己太高」。

腦成分

以專業嘅娛樂角度分析明星腦入面有乜成分!

鍾意就快D Share啦!