2015年10月1日 星期四

中日女合作援交 [壹週刊 - 1334] 援交,M1,



MeiLin以香港夜景作招徠,都幾有品味。

爆壹爆

中日女合作援交

中日成日鬧外交風波,中日靚女就聯手進擊港男。呢排 WhatsApp流傳一段出位援交廣告留言。出留言條女係一名今年二十五歲、叫 MeiLin嘅海歸中國妹,自稱做 model。佢仲話同佢日本妹朋友 Nijuuw依家喺香港,住灣仔駱克道一間酒店。 MeiLin仲好曖昧咁話,好想搵人「 fun」,只要肯俾四千蚊,就可以同佢哋「三人行」,中港日三方高峰 fun足一粒鐘添。嘩,中日女仔合作賣淫,真係聞所未聞,唔怪得港男 WhatsApp瘋傳喇!

爆哥第一時間上 MeiLin個社交網站睇吓咩料,發現唔少三點式水著噴血照之外,佢話自己係中菲混血兒、音樂狂熱分子兼夜遊人。咦,同爆哥又幾襯喎!不過最特別係,原來佢曾經接受外國傳媒 CNN訪問,講解亞洲地區做模特兒經歷,認真巴乜閉。爆哥乜女都溝過,係咪試過上 CNN嘅靚女,於是好想認識 MeiLin,同佢多多了解,所以決定上灣仔間酒店搵佢。

去到酒店大堂,爆哥打俾佢,諗住叫佢落樓下 coffee shop飲杯咖啡傾偈,點知 MeiLin話唔想落街,爆哥惟有上房搵佢。著住低胸背心嘅 MeiLin開門,裡面光線好暗,爆哥問佢係咪接受過 CNN訪問,佢用英文爽快承認。之後爆哥講明來意,話想同佢傾吓偈喎,了解了解 CNN訪問內容和國際最新形勢,可能太玩嘢,佢即刻黑面話冇時間,之後快快閂門。唔係嘛,都唔講得笑嘅,冇幽默感。

她聲稱 CNN都訪問過她, MeiLin都算巴閉。

MeiLin躲在酒店房等客到。

我頂!成條鱷魚擺超市賣

成條鱷魚擺出嚟,見過未呀?

幾日爆哥上深圳搵北方麥明詩交流,拖手仔去東門步行街濕平,行到身水身汗,於是入李超人間超市,諗住買嘢飲涼吓冷氣。點知入到去海鮮檔位時,當堂嚇一跳,咩料?原來見到一條米幾長嘅鱷魚,打橫趴喺檔位上。睇真啲,雖然條鱷魚應該瓜直咗,但睇落都係好恐怖,又核突喎!

爆哥本想媽叉爆個賣魚佬,北方麥明詩即刻話爆哥少見多怪,佢話近年內地人好鍾意買鱷魚肉煲湯,因為大陸空氣質素愈來愈差,搞到好多小朋友氣管有問題,好多人話用鱷魚肉煲湯可以止咳,所以好受歡迎,但你知啦,大陸乜都假,咪成條鱷魚擺喺度俾你睇,證明堅喎!鱷魚身大概一百蚊人仔五百克,而最貴係鱷魚掌,五百克要成百四蚊人仔㗎!

有嫌疑!鳩嗚團搶咪收錢

肥妹搶大媽咪唱歌,懷疑有收街坊錢。

928前夕,爆哥又落旺角緬懷吓。見到鳩嗚團常客兼城邦派活躍分子肥妹又喺度,佢同班人反緊旺角大媽,見到大媽唱大陸歌曲時,仲即時好㷫上前搶支咪返來,唱出城邦派自創歌曲同埋《海闊天空》,又唱得唔錯喎,在場有唔少市民上前塞錢俾肥妹作為獎賞,起初她拒絕收取,後來推推吓,最終都係選擇袋住先。喂,你依家係來反大媽,定搶大媽飯碗先,講清楚好喎!

肥妹竟然征服美國隊長,隊長識朋友要睇清楚啊。

不過話說回來,佢哋一邊反大媽在街頭賣唱收錢,但自己又犯下同樣錯誤,點都唔係好妥,真係講一套做一套,仲有呀,爆哥發現有唔少街坊用手機拍攝肥妹收錢過程,點知入面有冇藍絲呀,遲吓有人爆鳩嗚團同樣阻街賣藝收錢,就唔好啦。

爆哥乜料

金融界撈家,穿梭黑白政商界,朋友遍布旺角至中環,每星期都八到

唔同料,同《壹》仔讀者過吓癮!

鍾意就快D Share啦!
Related Posts Plugin for WordPress, Blogger...