掃呢頁CODE去手機

2015年10月1日 星期四

珍惜眼前:膝頭勞損 洪金寶腳湊孫 [壹週刊 - 1334] 洪金寶,M1,



探熱針

珍惜眼前:膝頭勞損 洪金寶腳湊孫

現年六十六歲的洪金寶,因為拍動作戲長期有傷,今年五月,為電影《危城殲霸》擔任武術導演的他,便因為膝頭舊患復發,痛到要助手扶住,捱痛開工兩個月。返到香港,腳傷未癒的洪金寶,已急不及待跟洪天明、新抱周家蔚以及孫仔到外地旅行,趷住腳都要玩的他,上週末又三代同堂出海,盡情玩!

上梯級要借力

迎月日(九月二十六日)住元朗的洪金寶晨早十點便孖老婆高麗虹,相約洪天明一家三口到西貢食早餐。醫完肚後,爺爺洪金寶跟洪天明以及著住蜘蛛俠衫的孫仔洪大仁先行離開餐廳,到附近的零食店入貨。

腳傷未好,洪金寶行路時腳步緩慢,行上零食店的小梯級時,更要扶住門口一個大桶,借力撐上去。買完零食再去附近買水果,其間不停有路人要求跟洪金寶影合照,他亦有求必應。之後兩父子各自坐七人車,到白沙灣碼頭上船。

「五月喺大陸拍《危城殲霸》嗰陣,大哥(洪金寶)對腳痛得好緊要,每日開工都要助手扶住去片場,劇組仲特登預備咗張私家椅俾佢坐,等佢冇咁辛苦;但有時坐得太耐,大哥都要叫人幫佢起身郁吓,但佢再痛,都完全冇要求收工,好專業。」劇組工作人員說。

洪金寶要扶住圓形汽水桶借力,右腳才可踏上樓梯級。

掃零食期間,洪大仁走出鋪頭,洪天明即時追出𥄫住。

《危城殲霸》在內地開工時,洪金寶大部分時間坐在私家椅指導演員。

記者會當日,腳患未發作,洪金寶仍可跟一班演員站在一起影合照。

珍惜家人相聚

多年來拍動作戲,身體長期過度勞損又有舊傷,膝頭軟組織尤其磨損嚴重,近年洪金寶因為經常出現關節發炎,以致要停工休息。

「大哥近年身體成日都出現小毛病,令佢更加珍惜同屋企人相處時間,拍《危城殲霸》後佢就即刻約啲仔去芭堤雅旅行,佢哋一家人成日約聚會,年紀大咗,加上有咗孫仔,大哥諗嘢都唔同晒!」知情者說。

洪金寶孖老婆高麗虹十點多已經入到西貢,跟洪天明一家在茶餐廳食早餐。

上船後,周家蔚抱住洪大仁揸住軚盤扮船長。

落車要走一段路才可登船,周家蔚慳力抱住洪大仁坐卡車,洪天明就帶住菲傭隨後跟實。

洪金寶的車尾箱放滿了食物,洪天明又再買了一箱飲品,準備在船上開餐。

一家三口早前同洪金寶到芭堤雅旅行,又係陽光與海灘。

機器壞

藝人愛吃愛喝,加上長期捱更抵夜開工,食娛圈飯,身體會比其他行業人士多毛病,日積月累,加上年紀大,問題浮面,想唔停都要停。

曾志偉

現年 62歲的曾志偉,幾個月前在西班牙為真人騷節目錄影期間,因為當地天氣熱,差不多日日飲啤酒又食辣,結果痛風症發作,唔行得要坐輪椅。

曾江

已經 80歲的曾江,今年為無綫《四個小生去旅行》節目到俄羅斯拍外景,本身有痛風的他因為唔想開工冇厘精神,刻意唔食藥,結果搞到痛風發作。

撰文、攝影、攝錄:娛樂組

nextplus.nextmedia.com

鍾意就快D Share啦!