掃呢頁CODE去手機

2015年10月8日 星期四

譚筠怡天然防腐 [壹週刊 - 1335] M1,



同你吟一吟

譚筠怡天然防腐

上個禮拜三(九月三十日)晚,《壹》仔喺銅鑼灣見到近幾年變咗澳門社交名媛嘅譚筠怡,同個一樣係鬼樣嘅男人,由波斯富街行出軒尼詩道,行行吓發覺唔對路,又行返轉頭,原來係約咗朋友喺時代廣場食飯。

由 93年選亞姐簽亞視開始,譚筠怡最為人留意只係捲入女星汶萊賣淫事件,當年有傳佢走一轉,返到香港就買咗層三千萬豪宅,仲要係 all cash,莫講話十幾年前,今時今日一炮過抬咁大嚿錢去買樓,都唔少嘢。

不過咁,已經係中女嘅譚筠怡天然防腐!無論樣貌身材都 keep得唔錯,多得澳門富貴男友開水喉俾佢搞珠寶鑽飾生意,仲做埋公司集團副主席,風光到呢。近況依然,繼續做珠寶生意外,早排仲飛咗去美國 Miami參加舞台劇試鏡。女人,讀書唔多一樣掂!讀到中四嘅譚筠怡就係人辦。

樣靚身材正又肯性感嘅譚筠怡,因為捲入女星汶萊賣淫而廣為人識。

已消失香港娛圈嘅譚筠怡原來戲癮不減,早排親飛美國參加舞台劇試鏡,上月又撲過香港做珠寶展,好忙!

約咗人喺時代廣場食日本菜嘅譚筠怡,因為搞錯方向,走咗去軒尼詩道,於是又行返轉頭。

撰文:八珍

nextplus.nextmedia.com

鍾意就快D Share啦!