2015年10月4日 星期日

「17」內地現雙胞app 黃立成堅稱原創 17,



由台灣藝人黃立成開發嘅直播app「17」喺爭議聲中火速爆紅,好多藝人都潮玩,但亦都有更多爭議事件,例如有人直播自慰同自瀆,又有女藝人直播時被性騷擾。

近日有網民就發現強國有一個叫「映客」嘅app,同17嘅直播介面一模一樣,由上面圓圖顯示邊個睇緊直播,到下面留言同送心心,畫面同運用係完全一模一樣,見呢個「映客」喺app store仲寫住「17+直播」,似乎係照抄17喎!?

但今次大家錯啦,呢個「映客」早於今年5月已經喺微博放咗啲直播嘅截圖,有啲似真有啲似假,但最重要嘅一點係,黃立成嘅「17」係6月先上架!究竟係邊個抄邊個?定係有合作關係呢?不過「17」早前就因為有太多人播有色情成分嘅嘢而被App store下架。

本報記者今日致電「17之父」黃立成,佢話未聽過微博上「映客」,完全唔知道模式跟17一模一樣,由於「映客」早於今年5月就有,明顯比「17」早面世,黃立成今日回覆《蘋果》:「你說抄我們嗎?」呢單鬧雙胞胎,到底係邊個抄邊個?黃立成話:「開玩笑。不可能,完全未聽過,很多人抄我們啊,它們有送分嗎?」黃立成堅持17係自創唔係抄番嚟,但佢承認網上有類似版本,可能人哋做兩、三年都開發冇成功,佢強調17絕對係親生仔,佢愛護有加,黃立成續說:「太多這類公司。」

仲有兩個人拎住「映客」咪牌 呢張係「映客」,似係真直播 呢個係「17」,所有介面都似足9成9
app store上仲寫住「17+」,但再睇個意思,應該係話17歲以上嘅人
鍾意就快D Share啦!
Related Posts Plugin for WordPress, Blogger...