2015年10月21日 星期三

甩身 淫照後有驚恐症 失財 20萬 小三 Ruby撇周永恒:無法再忍受佢 [FACE - 439] Ruby,周永恒,小三,劉伊靜,MF,



Ruby同周永恒分手大約兩個月,現忙為舞台劇演出,及打理自家 model公司,她說:「呢一年冇收入,𠵱家先開始返我嘅工作。」

真面目

甩身 淫照後有驚恐症 失財 20萬 小三 Ruby撇周永恒:無法再忍受佢

因介入周永恒同趙頌茹婚姻,令原本冇人識嘅𡃁模 Ruby(劉依靜),成為出名小三,之後更變為正印,早前就被本刊拍得同周永恒喺深圳出雙入對,以為二人仲打得火熱。

上週五( 16日), Ruby接受《 FACE》訪問,首次詳述與周永恒的關係, Ruby堅稱與周永恒已分手一段時間,仲話阿 Roy成日無理取鬧搵佢做出氣袋,試過去街市買唔到菜都要被鬧,亦借咗唔少錢俾阿 Roy讀健身課程。同阿 Roy拍拖成年,零收入、孭上小三之名,𠵱家亦人財兩失,期間更患有驚恐症,「都冇聯絡喇,暫時都唔可以再做咩朋友,同佢講嘢會令我諗番好多唔好回憶!」

27歲 Ruby上年因為做咗周永恒小三,搞到周永恒同老婆趙頌茹分居,早前更被拍得陪住阿 Roy喺深圳做健身教練,以為二人仍然打得火熱;上週五( 16日) Ruby為舞台劇《有限人生無限愛》綵排,大爆分手原因,仲話自己試過有驚恐症。

復出撈舞台劇

Ruby最近忙為《有限人生無限愛》舞台劇演出,雖然係客串,但同劇中一眾演員黃芷晴、徐肇平亦關係友好。

被爆出係周永恒小三,更流出疑似 Ruby嘅淫照,不過 Ruby就話:「一定唔係我。」 網上圖片

買唔到菜都鬧

「好大壓力,我嗰陣時有驚恐症,一起身或者瞓覺前心跳好快,去到成 1分鐘 150下咁快,跟住好驚,唔敢出門。」但被指小三唔係最大壓力, Ruby最唔開心係被指影祼照及情慾片流出,她說:「嗰個唔係我,嗰陣瞓唔到覺,又食唔到嘢瘦咗十幾磅。」

Ruby話冇諗過做小三,但承認同周永恒拍拖一年,在兩個月前亦已分手,但點解上個月被本刊影到?她說︰「𠵱家我哋真係冇聯絡喇,你哋影到喺深圳嗰日已經分咗手㗎喇!我係上佢朋友屋企唔係佢屋企,分手原因係好多小事積埋,佢情緒唔係好穩定,成日發我脾氣,試過有次一齊去街市,因為街市無菜賣而鬧我,呢啲我控制唔到。同佢一齊我覺得我 take care佢多啲,我想搵個穩定啲男友,暫時都唔可以再做咩朋友,同佢講嘢會令我諗番好多唔好回憶!」

最後合照?

上月被本刊拍得同周永恒喺深圳公園談情,但 Ruby就話:「呢張係我哋最後合照,我哋嗰陣已經分咗手喇。」

Ruby本身認識阿 Yu同兩個女,佢話以前男友試過一腳踏三船,估唔到自己會做咗小三。

周永恒曾經上 now《娛樂審死官》自爆,仲話自己係人渣,原來 now曾想搵 Ruby做第二集,但被她一口拒絕。 《蘋果日報》圖片

「我叫佢返屋企㗎」

周永恒有家暴前科,問 Ruby有冇試過?佢就話︰「佢冇打過我,不過我心靈上受到好大創傷,無法再忍受佢。」做咗小三,形象跌落谷底, Ruby就好理智咁話︰「我覺得後悔都冇用。」咁究竟同周永恒係點開始?「起初佢同我傾屋企啲唔開心嘢,之後就話鍾意咗我,講到為咗我冇咗個屋企咁!點都好,件事我係有責任嘅,其實由頭到尾我都叫佢返屋企㗎。」

賠上事業,如今又同周永恒分手, Ruby可算人財兩失,「冇咗廿幾萬,佢使咗好多錢讀唔同嘅健身課程,嗰陣時我負責大家嘅生活費,到𠵱家都仲有啲錢喺佢度!我都唔想再聯絡,我都唔使佢還喇。」當大家以為周永恒重新做人轉行做健身教練,原來又係錯覺,「據我所知佢已經冇做喇……」唉!小三突然醒覺宣布分手,自稱人渣嘅周永恒又幾時先生性呢?

Ruby亦有開 model公司,不過因周永恒事件,搞到 Ruby連街都唔敢出,生意亦受影響。 《蘋果日報》圖片

上年 9月周永恒同 Ruby打得火熱,被人拍得同遊新加坡旅行。 《蘋果日報》圖片

周永恒 9月被本刊拍得喺深圳剝住衫教人做瑜伽,不過 Ruby話自報導出街後,周已冇做。

最近周永恒喺 fb上載喺 studio錄音相,睇嚟好似唱番歌喎。

經典小三

除咗 Ruby外,中港台都有不少出名小三,雖然有曝光率,不過紅完一排就冇人理,其實都係靠自己穩陣啲,學 Ruby重新發展事業仲好啦。

《蘋果日報》圖片

港: Liddy(李悅彤)

上年 Liddy同彭順拍住拖喺圓方睇戲斷正,二人仲拍得咀嘴相,事後更發生李父自殺事件,轟動全港。

網上圖片

中:姚笛

文章因為拍大陸劇《祼婚時代》同姚笛撻着, 14年被拍得同姚笛喺深圳同居 6日 5夜。

網上圖片

台:楊子晴

已婚嘅陶喆,上年被爆同大陸女模楊子晴偷情,女方更公開 line嘅內容,事後陶喆已開記者會道歉。

採訪、撰文:娛樂組

攝影:林迅景

鍾意就快D Share啦!
Related Posts Plugin for WordPress, Blogger...