息影 12年重出江湖拍寫真， 37歲林雅詩承認十年婚姻出現問題，再剝出寫真純為錢。
封面
5年冇性生活 學羅霖拍寫真 林雅詩嗌離婚：佢虐待我
家家有本難諗的經,當你係艷星出身，又有個富二代老公，本經就更加難唸！
37歲林雅詩息影 12年，上月失驚無神話要出寫真力撼半百美魔女羅霖。其實羅霖同前夫不歡而散、要打[司又要一個養三個，真係有人養有人錫又使乜有闊太唔做出嚟拋頭露面。同樣道理，講起段十年婚姻，林雅詩又係一崿眼淚，自爆表面風光，內崿其實家嘈屋閉受盡精神虐待，五年冇同老公行埋過，空有一顆想離婚的心，又冇人有物最怕離完婚得個桔，惟有重操故業 37歲再出寫真！
有辦你睇，原來女人五十都仲可以拍寫真，羅霖鍊贏成村人造𡃁模成為書展大贏家，有乜理由一樣 keep得咁靚、仲要後生 13年嘅林雅詩唔得？個仔都十歲大，唔只 keep到仲比 12年前更放得開，但又有邊個估到，老婆仔索到咁，但就老公冇掂佢成五年呢？
分房瞓五年
即將推出寫真，林雅詩近日頻頻曝光為新書宣傳。傳媒同讀者一樣好奇，嫁俾富二代工程師溫文英十年，好食好住又為乜再剝過？林雅詩直認不諱婚姻出現問題：「拍得寫真就真係因為等錢使……我 12年前已經冇做嘢，結婚初期都叫有試下自己做生意仔，但係自從同老公感情轉差，我就停晒生意、專心湊仔，費事俾佢有機會可以捉我錯處。阿仔今年 10歲，除咗頭年半因為產後抑鬱有自殘傾向，我媽咪接咗囝囝走幫手湊，其他時間全部都係我親力親為、自己買餸煮飯湊大個仔。咁多年老公淨係有俾阿仔嘅生活費，私己錢我就真係冇囉！」
03年拍完最後一套三級片《應召女郎 2003》，林雅詩已經息影，專心同當時仲係男朋友嘅溫文英拍拖。 05年 5月，林雅詩大住肚出嫁，喺娛樂記者面前晒恩愛，原來又係假象，就算新婚期得產後抑鬱，照被老公單打：「係媽咪有關心我有幫過手，老公冇安慰我當時仲鬧我自己攞嚟添！」講到呢度，林雅詩已經流晒淚：「據我所知，應該冇第三者，起碼從來都冇小三打過嚟俾我踢爆。但係老公結婚前已經係工作狂，結婚後就更加少見人，頭嗰幾年都仲勉強，五年前開始大家索性分房瞓……」即係兩公婆五年冇性生活？「係呀……」
「一嗌交就掟爛嘢」
生完仔有抑鬱，曾經諗過跳樓自殘，最近復出又在手腕位出現離奇傷痕，被問到係自殘定俾老公虐打，林雅詩就堅稱唔係溫文英郁手：「佢虐待我唔係身體上，係精神上，又唔理我又唔照顧我，到睇咗報導知我出寫真，仲話以後各行各路。我哋前幾個月都炒過大鑊，我一嗌交就會好激動掟爛嘢，真係唔係佢打我又唔係我自殘。講真我哋講離婚已經好多次，但我自己單親家庭長大，始終想努力為個小朋友維持呢段婚姻。雖然𠵱家住緊層樓我有一半業權，但係佢(溫文英)買、佢又做開生意數口咁精，我唔排除最後得個桔，結婚十年乜都冇囉！所以𠵱家都接定 job做，最壞打算一定要爭到個仔撫養權，靠自己囉！」
有得靠老公梗係好，冇得靠，圈中仲有楊思琦、趙頌茹大把例子，女人仔一樣得！
得半層樓
十年前嫁俾正職工程師、家族經營鋼鐵生意嘅富二代溫文英，表面睇落嫁得風光，實情十年來除咗居住嘅西貢寶珊苑豪宅有一半業權，林雅詩話老公只付囝囝使費，不過物業 03年用 253萬買入，家陣市值超過 900萬，點都有賺。
高峰引退
02年為咗當年嘅男朋友、𠵱家名存實亡嘅老公溫文英淡出幕前，當年林雅詩做女主角拍吳彥祖，喺艷星界都算係一線，稱得上係為婚姻放棄事業㗎。
艷星最緊要嫁得好
做過三級片女星的林雅詩，最近復出拍寫真但驚爆與老公面臨婚姻危機。雖然林雅詩婚姻路出現暗湧，但不代表艷星感情路難行，反而有些艷星還嫁得好，最佳例子首選葉玉卿，自 96年嫁給美國富商胡兆明後，一直做少奶奶，唔少人羨慕死。
葉玉卿
85年得第 1屆亞姐季軍的葉玉卿，曾拍多部三級片， 96年嫁給美國華裔富商胡兆明後，已淡出演藝圈。她和丈夫共擁有私人飛機、銀行、超市、古堡等，兩人身家約 80億港元。
麥家琪
93年參加香港小姐落選的麥家琪，出道 19年來拍過多部電視劇及電影， 02年曾以全裸演出電影《偷窺無罪》而聲名大噪。不過 06年下嫁香港大律師王國豪後，已淡出演藝圈。
翁虹
同葉玉卿一樣 89年參加亞姐獲冠軍的翁虹，亦曾拍過《滿清十大酷型》等多套三級片，更有大膽演出。雖然離過兩次婚，但自遇上從事健康產業及網絡科技產業的年青才俊劉冠廷後， 06年開始由美國移居上海，一直過着幸福生活。
溫碧霞
由 80年代演出電影《靚妹仔》起家的溫碧霞，亦拍過三級片如《驚變》等，曾作大膽演出。 15年前下嫁香港富商何祖光後，已專心照顧家庭，做幸福少奶奶。
採訪、撰文：娛樂組
攝影：攝影組
|
鍾意就快D Share啦！
|
|
|
