【韓流】全智賢懷孕7個月密密搵銀 月尾終於肯停工
2015-10-21 11:29:00
陀B近7個月嘅全智賢，月尾完成最後工作後終於肯停工待產。
現年33歲嘅韓國女神全智賢，目前已懷孕7個月，不過女神陀B後未有全面停工，不時為代言品牌及雜誌影新相，而上星期二時佢仲大住肚咁踩高踭鞋出席公開活動，不過全智賢方面就表示女神將於月尾完成所有活動後正式停工，為明年初生B做準備。
噚日，相關人士表示全智賢將於29日參加喺首爾國立劇院舉行嘅大韓民國大眾文化藝術頒獎典禮，又話本來因為全智賢懷孕，要邀請佢好唔容易，不過最近全智賢都確定會參加呢個頒獎典禮。
而全智賢所屬事務所就回應：「全智賢非常有責任感，佢唔希望因私事而對活動日程帶來影響，而佢將出席於29日舉行嘅韓國大眾文化藝術獎頒獎典禮，因該活動意義重大，所以決定出席，而結束當日活動後佢會暫停所有工作，專心待產。」
全智賢上星期仲踩住高踭鞋出席公開活動。
|
鍾意就快D Share啦！
|
|
|
