半邊頭麻痺又破財 撞邪莊思敏：佛珠都斷埋 [FACE - 439] 莊思敏,MF,

沈震軒同莊思敏戲中飾演情侶，同其他大學同學設計碟仙 online game時開啟咗靈界大門，不斷撞鬼，要開紙紮鋪嘅邵音音幫手。

#陰陰笑#扯煙捉鬼夠霸氣

貼圖區

半邊頭麻痺又破財　撞邪莊思敏：佛珠都斷埋

葉念琛拍愛情片就睇得多，估唔到連萬聖節檔（ 10月 29日）上映的恐怖片《碟仙碟仙》，亦係葉導監製。

拍愛情片好輕鬆，但鬼片就唔係個個頂得順！女主角莊思敏話拍攝時周身唔聚財，「有場戲要去出名猛鬼嘅達德小學拍，仲要講我吊頸，我已經帶定一條開咗光嘅佛珠跟身，點知都係好頭痛、好唔舒服，仲有半邊頭麻痺！後來我發現條佛珠斷咗，拍完之後病咗一排，又痾又嘔，又不斷破財，總之就黑到震」

莊思敏戲中曾經墮胎，成日會聽到小朋友喊聲，仲會見到細路鬼魂纏住佢（右圖），搞到佢心大心細唔知好唔好再墮胎。

#母親的抉擇

莊思敏間接害死咗個女學生，之後隻女鬼就跟住佢報復。

一套屬於香港嘅鬼片，又點可以冇「龍婆」羅蘭姐現身捉鬼呢？

#哈佬喂 MJ

陸駿光喺戲中飾演鹹濕雞蟲，經常去一樓一，點知叫完先知嗰隻係「死雞」！

#死都要搞#花園街撞鬼

沈震軒搭小巴時，見到有女鬼喺佢面前不停跳樓，跳落街，跌死，起返身，再跳過……

#跳樓無限 loop#死俾你睇

採訪、撰文：娛樂組

鍾意就快D Share啦！

下一篇 》