熱爆娛樂: 女主角去咗邊？廣州首映雨僑慘被迫埋牆 [FACE

2015年10月21日星期三

話晒係女主角，當日雨僑一身全黑露腿裝登場，成功秒殺現場人士，同戲中弱視低能造型（小圖）好唔同。

上週四（ 15日），蕭定一為旗下影城在廣州舉行開幕慶典兼《猛龍特囧》首映禮，全公司總動員大晒冷，戲中男女主角鄭中基和雨僑，加上一哥一姐張智霖同胡杏兒，女星們梗係鬥性感紅地毯上亦變成戰場，不過娜姐、雨僑同杏兒都唔夠欣宜嘅迫爆 look搶鏡。

身為《猛》片嘅女主角雨僑，喺台上大合照時，竟然慘被分派到側邊位置，仲迫到埋牆添！隔籬仲企咗個大台奀星黃建東，即時降晒呢，難怪笑唔出兼冇晒表情好彩最後祝酒時，雨僑重新安排到中間位置，塊面先識郁咋！

身為一哥嘅張智霖去到廣州一樣咁受歡迎，現場粉絲舉晒燈牌大叫「初哥哥」，又爭住 selfie， Chilam仲任影唔嬲！

欣宜呢身打扮，相信唔少人都有「波濤洶湧」嘅感覺！

胡杏兒只係輕輕露少少就已經成功搶鏡，足見一姐地位㗎！

去到祝酒環節，雨僑先被重新安排到中間位置，企正一姐胡杏兒隔籬，呢一刻，雨僑先叫飲得杯落！

娜姐同 Jeana出名性感行先，不過二人當晚就明顯失色，俾欣宜搶晒鏡。

雨僑身為《猛龍特囧》女主角，不過台上竟然要企到邊邊位置（小圖），一唔留神，都唔知佢喺現場囉！

即時報料 facepop

熱線： 9222 0828

電郵：facenews@nextmedia.com

facebook： Face Magazine inbox

line、 we chat id： facemagazine

鍾意就快D Share啦！