32歲嘅陳妍希，同細佢4年嘅大陸小生歲陳曉合作電視劇《神雕俠侶》撻著，今年8月底承認交往，點知真係進展超神速，兩口子早前去咗巴黎二人世界，仲俾網民影到陳曉向妍希BB求婚。以為只係看圖作文？原來陳曉真係求婚成功喇！恭喜恭喜！恭喜過兒同姑姑呀！
台灣《蘋果》向妍希BB 求證婚訊，佢未有否應，並以「我愛你」3字坦承。嗚哇！
據大陸傳媒報道，之前陳曉託人買下兩卡鑽戒，準備求婚，估唔到一擊即中。早於本月6日，已有網民爆料話喺西班牙撞到佢兩個，當時陳妍希手上已戴上戒指；到18號，又有網民話陳曉求婚成功，仲貼上兩人擁吻嘅片添！估唔到真係真係真0架！
雙陳聯婚！恭喜！
