掃呢頁CODE去手機

2015年10月28日 星期三

食唔停 溝唔掂吳若希蔡思貝 周志文速食師妹 [FACE - 440] 蔡思貝,吳若希,周志文,MF,



上週六( 24日)周志文約新女 Stephanie出銅鑼灣行街,行到餓就搵日本餐廳醫肚。

真面目

食唔停 溝唔掂吳若希蔡思貝 周志文速食師妹

大孖周志文被傳在大台連𠝹多女,禍從口入,唔只被舊愛吳若希篤背脊,更被樂小姐針對搞到冇得撈,上個月已執埋包袱離開大台。

不過自由身未必唔係好事,據聞唔少公司對大孖有興趣,貪佢有觀眾緣同女人緣,果然真係!上週六( 24日)周志文孖住新女到銅鑼灣食日本燒肉,新女更餵大孖餵到入口;原來新女係太陽娛樂旗下 model沈伊晴( Stephanie),今年 22歲咋!大孖認真識食。

大孖周志文觀眾緣算唔錯,可惜多女埋身好容易惹禍,之前因為被舊愛吳若希發現私下短訊宅男女神陳瀅同何雁詩,激到吳若希返公司向何哲圖投訴,樂易玲亦不滿大孖太花弗而將佢 out。

周志文曾被指連溝 7女,包括吳若希及同樣閱仔無數嘅蔡思貝。 網上圖片

周志文被舊愛吳若希發現私下短訊陳瀅同何雁詩,搞到份工都冇埋;周志文曾經喺 WhatsApp group向好友求救,有人提議佢去 nowTV見工,但大孖不屑,稱:「我唔會去呢啲地方!」 設計圖片

網上圖片

餵食燒肉

離開大台後周志文變自由身,但身邊仍然不乏異性。上週六( 24日)又有新女陪,當日大孖約咗一名短髮妙齡少女去銅鑼灣,兩人先喺總統戲院買飛睇戲,之後就上咗和幸食日本燒肉,喺卡位並排咁坐唔似普通朋友喎!新女仲毫不避忌餵大孖, 2人又自拍好鬼 sweet。

玩 Selfie

同新女友撐枱腳唔係影食物,而係自拍緊要啲。

餵埋入口

新女友 Stepahnie唔避忌餵周志文食嘢,大孖當然好受落。

拍網劇撻着

周志文(右二)離巢前,本來拍開劇嘅佢已被打入冷宮,只係主持《 Music Cafe》,唔走都冇意思。 圖片

事後《 FACE》致電周志文問佢係咪有新女友,大孖話認識對方唔係好耐但唔係女朋友。大孖解釋:「我拍緊套網劇叫《是咁的,我有四個女朋友……》,佢係其中一個女仔,我哋會有感情線;我同 Stephanie之間有啲共同朋友,所以有共同話題,知道會拍嘢所以約出嚟見下面,互相認識下先。」佢又大讚 Stephanie:「佢好鍾意笑,好直率嘅女仔!」

有傳周志文離巢係因為溝女太多惹樂大媽不滿,又傳佢會加入太陽娛樂,周志文卻否認:「係啱啱完咗約,暫時未簽任何公司,有接觸過啲內地經理人公司但未 confirm,𠵱家工作都要自己傾番嚟,冇咩時間去諗感情方面嘅嘢,都係專注番做好工作先。」係囉,紅顏禍水呀後生仔!

後生過吳若希

周志文新女沈伊晴( Stephanie)年僅 22歲,仲細過吳若希幾個月,係 Paco太陽娛樂旗下太陽英模國際嘅 model,入行兩年左右,上年做過大台 World cup girl,拍過下廣告咁;但嚟緊會力捧,下個月就同周志文拍網劇《是咁的,我有四個女朋友……》,一齊做男女主角,唔怪得要預早溝通下

Stephanie本來一把長髮,最近可能為拍網劇才剪短。 電視畫面

周志文新女做過大台 world cup girl,即係曾經共事過,唔怪得咁易得手

採訪、撰文:娛樂組

攝影:娛樂突發組

鍾意就快D Share啦!