全知言
我最驚嘅恐怖片角色
究竟萬聖節恐怖啲，定盂蘭節恐怖啲？梗係萬聖節啦，多恐怖片睇？嘛！盂蘭節都唔一定撞鬼啦係咪？而且有?恐怖片角色又真係好鬼死恐怖，?人又死得好恐怖，又恐怖到死······
咁邊個角色最令人驚驚呢？驚到呢班藝人都有陰影呢？等我？都回味下先！
黃美棋
我睇過最驚嘅係《恐懼鬥室》嗰個小丑公仔，嗰陣喺美國讀緊書，唔知點解會有勇氣去睇呢套戲，我仲睇咗幾集添！有睇過嘅都知係幾變態，講個大佬（奸角）捉咗啲好自私或者好唔顧人感受嘅人，放入間屋或者機關入面，要佢哋逃出生天，睇到啲人性原來係好恐怖嘅！
梁梓禧
最恐怖嘅角色一定係《凶兆》第一集，嗰時我住屋邨，喺隔籬屋睇嘅，睇完成晚唔敢返屋企，但其實只係幾步路，因為嗰時我嘅歲數同《凶兆》個小朋友歲數係差唔多，所以將自己投入咗落去，最驚係佢頭上面有 666三個數目字，驚到我呢！自此返學見到啲烏鴉呢，我覺得佢哋係咪 calling我，當咗自己係魔鬼之子囉！
杜如科
我覺得係《書中自有魔怪谷》入面嘅 Slappy the Dummy，佢喺好多年前已有，本來係小說角色，後來被改編成劇集同電影，近排再出現喺新戲，我睇完覺得好正，佢個樣唔恐怖，但做出好恐怖嘅氣氛！
張文慈
我拍過好多鬼片但好少睇，因為我好細膽，印象最深係細個睇嘅《凶兆》，見到魔鬼之子頭上有數字，自此我就好驚睇鬼片。
林雅詩
我覺得最恐怖係貞子，自從睇咗《午夜凶鈴》第一集佢喺電視機爬出嚟之後呢，嗰段日子真係唔敢睇電視，好驚佢爬出嚟，尤其去外地做嘢，喺酒店都唔敢開住電視瞓覺。套戲最成功因為好生活化，譬如電視機呀、搭𨋢呀，感覺就好真實。
陶傑
今年睇咗《血色莊園》，入面男主角 Hiddleston演嘅 Thomas Sharpe，係一個好有貴氣嘅企業家，後尾變咗鬼，但佢係有情有義又做壞事嘅鬼，令我哋覺得鬼嘅世界仲有殘餘嘅人性係引起好大嘅思考，令我印象深刻。
娃娃最恐怖
恐怖片不嬲好受歡迎，但係今時今日年輕一輩咁嚇得，仲有咩嚇到佢哋？我哋問過一班年輕街坊，原來佢哋最驚竟然係公仔，唔怪得《 Toy Story》都拍過夜驚魂版
Ashley
最經典係《娃鬼回魂》個公仔，因為佢有好多集，個洋娃娃咁細粒竟然可以殺咁多人，後來仲有個新娘娃娃好恐怖！
黎小姐
最驚《鬼娃安娜貝爾》，因為個公仔掉咗又返番嚟，睇完好驚屋企啲娃娃，好恐怖，好大隻眼望住，好憎嗰啲公仔呀！
Johnny
《猛鬼街》嘅 Freddy，喺佢首播時都未識佢，反而大個睇番啲碟至知，其實唔係特別恐怖，第一集有一幕佢對手伸到好長，好好笑，但當年好多人俾佢呢嘢嚇親囉！呢個角色幾吸引吖！
即時報料 facepop
熱線： 9222 0828
電郵：facenews@nextmedia.com
facebook： Face Magazine inbox
line、 we chat id： facemagazine
|
鍾意就快D Share啦！
|
|
|
