怕情緒病復發 牛雜妹簽新公司唔再減肥 [FACE - 440] 牛雜妹,MF,李美琪

Monnie早排未有經理人幫手接 job，連遊戲展嘅 cosplay girl都做過，仲幾性感添！　網上圖片

全知言

怕情緒病復發　牛雜妹簽新公司唔再減肥

曾參加今年香港小姐，可惜最後都入唔到圍嘅牛雜妹李美琪，終於落實入行喇！本身同蕭定一間中國 3D數碼娛樂傾得好哋哋，不過臨門一腳，簽咗間新公司「 5ivec Production」，據知即將簽一年合約。

決定簽邊間、入唔入行？牛雜妹都好掙扎，佢同全知言講︰「曾經好擔心，想返轉頭做 OL，嗰段期間好驚情緒病復發，心理方面控制到，但原來生理方面唔得，體重好唔穩定，希望簽約後會有好轉。𠵱家只係想要好嘅身體，唔會再刻意減肥。」其實新公司已經幫牛雜妹接咗一個旅遊節目主持，年底就會出發歐洲拍攝。開心最緊要，唔係個個都要好似麥明詩咁嘅！

Monnie係靠老竇斬牛雜而養大，雖然今時今日做咗星，但佢一有時間都會落鋪幫手㗎！　網上圖片

今年港姐選舉， Monnie有參加過，不過唔入圍之嘛！　網上圖片

早前蕭定一公司曾斟 Monnie簽約，所以《猛龍特囧》的活動都有邀請她出席，可惜臨門一腳簽唔成！　網上圖片

參選港姐期間， Monnie不斷做運動減肥，可惜壓力令 Monnie幾乎情緒病復發，𠵱家她以健康行先，貪靚其次。　網上圖片

即時報料 facepop

熱線： 9222 0828

電郵：facenews@nextmedia.com

facebook： Face Magazine inbox

line、 we chat id： facemagazine

鍾意就快D Share啦！

下一篇 》