阿媽監場 樂易玲大仔做導演 [FACE - 440] 樂易玲,MF,

樂小姐每次去首映禮，一定會帶埋兩個仔到場，媽咪電影、電視都撈得掂，個仔想做導演，合情合理喎！　《蘋果日報》圖片

全知言

阿媽監場　樂易玲大仔做導演

星二代入行好正常啫，估唔到連喺大台位高權重嘅樂易玲位大公子都入行，唔係做大台小生，冇咁黑幕，而係做導演呀。

樂小姐個大仔一直好想做導演，由細到大就跟住阿媽成日睇首映，上年就親自執導咗套微電影，搵咗兩個訓練班同學仔譚永浩、李旻芳幫手。𠵱家喺《安樂窩》做主持嘅譚永浩就話︰「其實成年前拍㗎喇，當時我同李旻芳一齊主持《香討 LIVE CHAT企劃》，個節目監製問我哋有冇興趣幫下手，嗰陣都唔知係樂小姐個仔做導演，拍咗都成日㗎，到現場見到樂小姐喺度先知，不過全程都係佢個仔拍囉。樂小姐嚟係支持啫，唔係監場。」樂小姐平時大忙人，都抽時間睇個仔拍嘢，高層媽真係唔易做！

譚永浩同李旻芳因為做《貓屎媽媽》的《香討 LIVE CHAT企劃》表現出色，而被該節目監製邀請做樂小姐個仔嘅短片。　網上圖片

譚永浩今年 28歲，現為 J2台《安樂窩》主持，話哂幫過樂小姐……個仔，應該有回報嘅。　網上圖片

李旻芳同譚永浩為同一期訓練班，李樣子清純，身材亦不俗，大台咁等人用，有機會㗎！　網上圖片

即時報料 facepop

熱線： 9222 0828

電郵：facenews@nextmedia.com

facebook： Face Magazine inbox

line、 we chat id： facemagazine

鍾意就快D Share啦！

下一篇 》