2015年10月28日 星期三

【瘋狂fans】雞排妹拒合照 50人殺出拖落車 驚動台中市長 雞排妹,鄭家純,





其他影片:>>






台灣性感藝人「雞排妹」鄭家純經常賣大包,擺好多性感相上facebook,今年書展仲出咗本寫真殺入香港市場,吸引唔少粉絲。

雞排妹今日喺台灣出席保命防跌健康操活動時,好多熱情嘅公公婆婆見佢咁靚女話要介紹啲孫仔同佢結婚,希望「私有化」雞排妹咁話。

唔知雞排妹喺咪見到啲咁熱情嘅老人家,令佢諗起一班更加瘋狂嘅狂迷,佢喺活動之後透露先前試過喺夜店被人搭訕要求合照,雞排妹婉拒之後冇耐,突然出現4、50人將佢朋友打傷,而雞排妹亦擋唔住咁多人,慘遭拖落車。雞排妹話有時素顏唔方便入鏡,不過啲粉絲仲無理要求合照,仲搏晒命要佢嘅LINE或者電話,實在令佢好困擾。

雞排妹之後接受台灣《蘋果日報》訪問講番詳細事件經過,佢話過年之後去到台中嘅酒吧同朋友慶祝生日,喺短短一個鐘入面有唔少人去到佢哋嘅包廂要求合照,雞排妹覺得唔係工作統統都婉拒咗。過咗陣就突然出現4、50人包圍佢哋,情勢危急所以雞排妹同班朋友走為上着,點知班惡煞追出去,仲包圍佢哋㗎車,發起爛渣上嚟仲拖咗開車嘅朋友落車毆打兼扯爛衫,雞排妹經理人又投訴酒吧見到佢哋出事都冇報警,佢仲話打人個班惡煞,事後有打番電話俾班雞排妹嘅朋友道歉。

晚上八點半左右,雞排妹忽然於fb澄清話:「最近是不是真的沒新聞,今天的新聞內容之前就講過啦,我沒有被打也沒有覺得警察如何,但是新聞出了之後,林佳龍(台中市長)辦公室叫警察打來關切有點好笑,我之前在雞排炸新聞或fb,講了很多林佳龍的不夠好(勢豐快速道路案),怎麼跟治安、流氓有關,才跳出來?效率放錯地方了吧?沒有要求你幫忙,只是說你上任後治安沒有變好。」

咁,大家都係擔心你啫…

一向性感嘅雞排妹,向台灣《蘋果日報》講番事件經過。 (中:台灣蘋果日報圖片) 雞排妹首先係健康操自爆被人圍。(台灣蘋果日報圖片) 雞排妹一路做訪問一路食蕉…(台灣蘋果日報圖片)
(台灣蘋果日報圖片) 性感相(鄭家純facebook圖片) 又係性感相(鄭家純facebook圖片)
張張都係性感相(鄭家純facebook圖片) 雞排妹fb
鍾意就快D Share啦!
Related Posts Plugin for WordPress, Blogger...