掃呢頁CODE去手機

2015年10月28日 星期三

英超Fever:英超Fever:車路士足校教練被控強姦女童



被告梳恩曉士被列入性罪犯名單。(互聯網圖片)

next 1/1 pre

英超冠軍車路士今季衰到難以想像,最近連佢哋英國嘅足球學校,都爆出驚天性醜聞。英國刑事法庭近日開庭審訊,車路士足校已辭職教練梳恩曉士,被指曾經喺4個月內,15次強姦12歲未成年女學員嘅案件,同時梳恩曉士喺上承認,要求過受害女童提供不雅裸照畀自己!

只不過,辯護律師認為,受害女童聲稱喺車路士足球醫療室受侵犯,曾經被梳恩曉士用手捂嘴,同埋被人打,仲有其他人喺旁邊嗌好,令人難以置信,特別係受害女童表示試過大聲呼救,理應有其他人會發現,覺得受害女童嘅證供只係憑空想像。

結果,法官同陪審團同意,基於控方證據不足,梳恩曉士被判無罪,但咁唔代表梳恩曉士係正人君子,因為佢承認要求過受害女童提供不雅相片畀佢,因為嘗試煽動兒童從事性活動,被列入性罪犯名單,相信唔能夠再從事青少年足球訓練活動。

鍾意就快D Share啦!