2015年10月28日 星期三

升呢 搬竇轉運  Jeana為名店剝 high咗 [FACE - 440] Jeana,何佩瑜,MF,



對拍過唔少激情片嘅 Jeana嚟講,呢個半裸造型可以話駕輕就熟。

真面目

升呢 搬竇轉運  Jeana為名店剝 high咗

向來行性感嘅 Jeana何佩瑜,入行至今都拍過唔少激片,總之除咗 3點乜都可以露!雖然唔憂冇戲拍,不過 Jeana始終想有突破唔使靠剝。

原來 Jeana已經靜雞雞搬入逸濤灣千呎新居,新居仲係風水地!入住冇耐 Jeana就成功接咗個品牌廣告,雖然都係要半裸上陣,不過話晒為名店剝,身價點都 high啲!升咗呢, Jeana都堅持靠自己:「最重要都要努力裝備自己!」

𡃁模出身嘅 Jeana,入行 5年拍過唔少性感電影,賣肉之餘,演技從來唔係討論焦點,想轉型, Jeana亦要諗計改變,最近仲搬到月租三萬多的千呎新居,風水師睇過都大讚好啱佢!

Jeana嘅背脊黐滿一疏疏真頭髮,加埋短髮造型,感覺好 high fashion!

除咗落重本有百變造型外,攝影師、化妝師同造型師統統係一流團隊,製作好認真㗎!

就算係擘髀,有品牌打造感覺都唔同啲,唔再係剝模 feel囉!

為咗新廣告可以帶出骨感美, Jeana坦言事前做足功課,勤力游水做運動,仲配合節食添!

搬千呎大屋

Jeana最近由大角咀舊屋搬到逸濤灣千呎新屋, Jeana坦言風水都係其中考慮因素,說:「我係佛教徒,新屋請過風水師嚟睇,佢哋都話新屋格局對我好好,仲有朋友認識白龍王嘅人(白龍王已於 13年病逝,現時由女兒 Pet接掌),遲啲有可能都會帶我去見佢,聽講佢好犀利,希望有緣見下佢!」搬入風水屋, Jeana說:「作為演員,好多嘢都唔係靠呢啲嘢,佢哋只係輔助,最緊要努力裝備自己!雖然租金係貴咗,因為平時都好少行街買嘢,唔使做嘢就鍾意匿喺屋企。」

搬新屋外, Jeana最近仲接咗個名店品牌廣告,其中一個造型, Jeana要半裸上陣,佢仲話事前做足準備:「印象最深刻係龍紋身的女孩嘅造型,用咗 3個鐘準備,背脊要黐頭髮,前面絕對安全!因為影呢個造型想有啲骨感美,自己事前都好勤力去游水同做運動,只係食米粉同雞胸,少糖少油少鹽!」

搬屋買傢俬

為新居入伙做足準備, Jeana早前孖住公司同事四出搜羅傢俬,坐上梳化試,明顯好 hyper。

平時唔使做嘢就匿喺屋企做宅女嘅 Jeana,當然要揀埋廚具

千呎西灣河逸濤灣新屋除咗空間夠大,仲有個無敵大海景, Jeana仲話計劃買樓出租用,但就唔會迫自己做樓奴喎!

《蘋果日報》圖片

Jeana姊妹去晒邊?

𡃁模沒落,好多 Jeana同期出道姊妹都要轉型,當中有唔少例子已經榮升人妻兼媽模身份!

網上圖片

生 B

有「翻版 Baby」之稱嘅𡃁模吳燕安( Annie G.),本月入院初剖腹產女,正式加入媽模行列。

網上圖片

大肚

Hidy余曉彤同消防員老公 William結婚半年就報喜,距離預產期仲有一個月時間,早前就孖住老公影咗輯大肚寫真, sweet到爆!

網上圖片

主持

新八模成員之一嘅 Hailey陳俞希,逐步脫離𡃁模行列,現時為 now TV主播身份,閒時亦會擔任唔同活動司儀,口才了得。

網上圖片

操 fit

經歷醉駕一事,已經同經理人公司 GME解咗約嘅 DaDa盧頌之,現時努力操 fit自己,仲話要做女版「張家輝」喎!

採訪、撰文:娛樂組

攝影:娛樂突發組

鍾意就快D Share啦!
Related Posts Plugin for WordPress, Blogger...