溝女講手段！ Sa爸一把年紀，一樣有本事將露臍辣妹溝到手。
探熱針
強烈對比：阿 Sa俾仔撇慘慘豬 Sa爸攬辣妹風流赤柱
同陳偉霆五年姊弟戀玩完，被搾乾的阿 Sa被狠撇，慘到呢！相反，一把年紀的 Sa爸（蔡就勝）就風流快活，繼續溝女，仲要後生到自己生得出。
人老心不老的 Sa爸，日前與一名望落細過阿 Sa的短髮辣妹，漫遊赤柱，二人攬腰搭膊頭，態度親暱，完全冇代溝。學嘢啦，阿 Sa！
後生過阿 Sa
從事廣告設計，又開過娛樂公司出錢捧新人的 Sa爸蔡就勝，一向百足咁多爪，打住搞娛樂事業的招牌，溝女更加暢通無阻。
阿 Sa受盡情傷的同時， Sa爸卻同分分鐘仲細過自己個女的短髮後生女，在赤柱浪漫。二人在海邊 selfie，身穿露臍 tee的辣妹任 Sa爸攬住，頭貼頭合照。影完相，搵地方坐低食嘢，其間 Sa爸伸手攬腰，辣妹毫不抗拒，任攬！
「 Sa爸都算係半個圈中人，同 Sa媽離婚後，佢都冇一個固定對象，加上份人口花花又有幽默感，所以一向都好多女埋身。」知情者透露。
隊啤食生蠔
最終選擇食西餐， Sa爸和辣妹坐在開揚望街位，兩人並排坐吹水，辣妹不時側着頭望實 Sa爸，又會笑晒俾反應，相當受落。
辣妹一度行開去洗手間， Sa爸竟然趁機偷飲對方的餐湯，飲完仲醒目地用紙抹乾淨碗邊，才放回原位，女伴不知不覺飲了 Sa爸口水尾。睇住風景隊啤食生蠔，因為有揸車，二人在在餐廳吹水兩粒鐘，等酒氣過，才埋單走人。
行去停車場攞車時，辣妹全程任 Sa爸搭住膊頭，黐住半邊身行。阿 Sa真係要搵老豆教吓路！
撰文、攝影、攝錄：娛樂組
nextplus.nextmedia.com
|
鍾意就快D Share啦！
|
|
|
