2015年10月28日 星期三

急色 李思捷猴擒抽水  SM模爆:第一次見就摸大髀! [FACE - 440] 思捷,李思捷,MF,



張淨思同李思捷喺 8月認識,當晚仲合照添,但原來李思捷第一日識人就摸髀,認真狼死。

真面目

急色 李思捷猴擒抽水  SM模爆:第一次見就摸大髀!

天生充滿溝女 DNA嘅李思捷,自從同春卷分手後,單身更加猖狂,最近有傳狂溝上圍 33 C,拍過《 3D肉蒲團》有裸露,又自爆同陌生男人玩 SM嘅張淨思( Flora)。

張淨思更喺 facebook爆李思捷叫佢上屋企睇《今晚睇李》。

叫人上屋企未算狼,張淨思大爆李思捷首次見面就摸大髀,「叫我坐佢隔籬,博下我懵,佢摸我大髀。我諗呢個係佢打招呼方式,攞完我電話之後就同第二條女走咗。」攬緊女嘅同時仲可以溝第二條女,如果《今晚睇李》有呢啲情節,收視肯定好過𠵱家。

41歲李思捷天生愛溝女,當年就算同春卷拍拖時已經好花弗,𠵱家單身更加盡情發揮小宇宙,最近忙為新劇《爸 B有話兒》開工,劇中做單親爸爸,但現實中卻係風流小生,最近有傳佢狂溝 33C剝模張淨思,女方仲大爆李思捷好狼死。

張淨思為香港出名裸模,她說:「初出道 250蚊一小時,𠵱家 1500蚊喇,但我𠵱家影相為藝術,唔係為錢,好想同出名攝影師合作。」網上圖片

成人廚房

張淨思為爭取演出機會博到盡, 11年為 now成人台宣傳,全裸上陣。

捉手𢱑背脊

張淨思除咗係三級片女星,亦為全港出名裸模,每次做攝影裸模收$1,500一小時,入行前喺悉尼大學計算機科學系畢業,一直咁搏都係想有個演出機會。性格爽朗的她,提起李思捷都冇避忌,她說:「我話約佢出嚟飲嘢,佢話可以上佢屋企飲,點知佢就係咁播《今晚睇李》播咗兩個鐘,佢真係自戀狂嚟,成日想人氹佢㗎,要人當佢係寵物,捉住我隻手叫我幫佢𢱑背脊,我覺得唔啱 feel就走咗。冇發生過任何嘢。」

除咗上屋企外,張淨思仲爆李思捷首次見面已經出手抽水,她說:「我喺喬寶寶搞嘅一次飲嘢識嘅,佢叫我坐佢隔籬,博下我懵咁囉。(點博你懵呀?)佢摸我大髀囉,我話你咁樣我好驚喎,之後佢咪縮手囉,其實都好似冇縮,之後佢遞個電話俾我㩒,又錫我隻手,但攞完我電話就攬住第二條女走咗。」李思捷不如直播溝女啦,收視肯定高過《今晚睇李》!

自爆玩 SM

張淨思喺《重口味》戲中有露點場面,宣傳時亦 SM造型, 3月時仲話自己同陌生男人玩 SM兼賺 500蚊。《蘋果日報》圖片

扮好爸爸 網上圖片

李思捷做完《今晚睇李》,即為新劇《爸 B有話兒》開工,劇中飾演照顧獨子嘅單親爸爸,仲會同黃智雯談情,同現實嘅佢差天共地。

爆埋又南金剛溝女招

除咗李思捷嗒糖外,張淨思仲爆黃又南同金剛都對佢好有意思,當中黃又南兩星期前送佢返屋企,她說:「佢送我返屋企,話想上嚟屋企參觀喎,我話屋企唔招呼人㗎。」嘩!好大粒檸檬喎。

上圍有 33C嘅張淨思,對自己身材好有信心,不時喺 fb上載性感照片。網上圖片

又南想上屋企

黃又南週日( 25日)先被拍得同拍拖半年嘅新女友同車,原來兩星期前想送張淨思返屋企兼參觀,應該都係出於禮貌啫。《蘋果日報》圖片

金剛勁打眼色

張淨思又喺夜場認識金剛,她說:「佢係咁同我打眼色,對住我笑,走埋嚟同我合照。」 網上圖片

採訪、撰文、攝影:娛樂組

鍾意就快D Share啦!
Related Posts Plugin for WordPress, Blogger...