掃呢頁CODE去手機

2015年11月18日 星期三

【帽事嘅!】未分手就同鴨王蜜遊台灣 「高版糖妹」疑出軌 :),糖妹,鴨王,





其他影片:>>






何浩文(Dominic)同糖妹分手兩年,最近被踢爆同新歡「高版糖妹」唐紫瓊(Candy)蜜遊台灣,有圖有真相,但Dominic都係唔認,今日記聯絡到「高版糖妹」Candy前男友Daren,Dominic被指係破壞Daren同Candy關係嘅第三者,Daren接受電話訪問話:「我只可以話我唔想接受,我都要必須接受。」

Daren話Dominic同Candy同台灣蜜遊期間,同Candy仲未分手,關係糾纏不清,Daren仲試過發現早前Dominic同Candy出過街,不過Candy就死口唔認,Daren話:「我有發現過,因為我已經兩次有朋友,喺荃灣見過佢哋,朋友同我講佢哋食飯,表現好親暱咁,拎晒袋扶晒咁,之前我有見到佢哋有傳訊息,我有問佢:『係咪好friend?』佢話唔係,我就冇理,跟住佢哋一齊出去食飯,我有問Candy,佢話冇出過去,我話朋友見到你,佢話冇出過,我都冇辦法。」結果Daren最後睇到報道Dominic同Candy台灣蜜遊,先如夢初醒。

Daren表示心情開始平復,佢話:「我知道佢(Candy)鍾意嘅嘢佢會去做,佢開心我OK,反正我唔可以做到啲乜嘢咁,我唔會覺得俾人呃,感情就係咁。」不過,有讀者報料反指係模特兒Daren博出位,佢話:「我唔係,呢樣嘢最主要起因唔係因為我,我搞出來就話係因為我,呢件事我都係唔開心角色,我都唔想人話Candy係博出位,我都知Candy心情會係好差。」Dominic被指是第三者,佢透過短訊回覆:「唔係事實唔回應。」

Daren話Dominic同Candy同台灣蜜遊期間,同Candy仲未分手。 喺呢餐飯當中,Candy仲有Daren呢個男朋友。 Candy同Daren以前好恩愛。
鍾意就快D Share啦!