掃呢頁CODE去手機

2015年11月18日 星期三

【簽承諾書迎娶】搭上老婆好友 司馬燕老公暗交內地女5年 司馬燕

司馬燕於2012年患胃癌,病情一直反覆,直至今年1月因病離世,喺司馬燕嘅抗癌過程,老公Togi(吳忠義)對老婆不離不棄,一時陪愛妻行街、又同老婆外遊,不過,今日《壹週刊》爆,司馬燕老公Togi喺五年前同內地女子Summer(孫君子)暗交,盛傳係因為呢個原因,令司馬燕屈出病。據報道指,司馬燕留院期間,老公Togi同疑似第三者Summer仍有見面,Togi更被指間唔中飛去北京見對方,令司馬燕身心受創, ...


司馬燕於2012年患胃癌,病情一直反覆,直至今年1月因病離世,喺司馬燕嘅抗癌過程,老公Togi(吳忠義)對老婆不離不棄,一時陪愛妻行街、又同老婆外遊,不過,今日爆,司馬燕老公Togi喺五年前同內地女子Summer(孫君子)暗交,盛傳係因為呢個原因,令司馬燕屈出病。據報道指,司馬燕留院期間,老公Togi同疑似第三者Summer仍有見面,Togi更被指間唔中飛去北京見對方,令司馬燕身心受創, ...


司馬燕於2012年患胃癌,病情一直反覆,直至今年1月因病離世,喺司馬燕嘅抗癌過程,老公Togi(吳忠義)對老婆不離不棄,一時陪愛妻行街、又同老婆外遊,不過,今日爆,司馬燕老公Togi喺五年前同內地女子Summer(孫君子)暗交,盛傳係因為呢個原因,令司馬燕屈出病。

據報道指,司馬燕留院期間,老公Togi同疑似第三者Summer仍有見面,Togi更被指間唔中飛去北京見對方,令司馬燕身心受創,周刊更爆Togi同Summer簽咗承諾書,承諾書稱若Togi回復單身,Togi就會照顧及迎娶對方,該份承諾書更指Summer亦承認唔會騷擾Togi嘅家人及朋友,同時唔會喺Togi公司出現,亦唔會做出令男方尷尬嘅事。

周刊表示Togi係因為五年前被公司安排去北京工作,當時司馬燕都有陪老公舉家搬上去,司馬燕識到一個廿多歲嘅內地女子Summer,而司馬燕為人好客,間中喺屋企開派對,佢都有邀請Summer參加,據知情者向周刊指,內地女Summer本身屋企都有錢,份人比較好勝,睇中咗Togi,又接近司馬燕兩個仔,知情者更指,當司馬燕知道Togi疑出軌嘅事,二人已暗交2年,有傳司馬燕一直扮唔知,經常飲酒,慢慢覺得個胃唔舒服,先知道個胃出事。

據報道稱,第三者Summer睇得Togi好緊,尤其是男方同異性朋友接觸,佢都會騷擾Togi啲異性朋友,盛傳就係呢個原因,Togi先同對方簽承諾書,點知今年一月,司馬燕離世後,Togi亦未有公開佢哋嘅關係,內地女Summer再次打爛醋酲,騷擾Togi身邊嘅女伴,鬧對方搶佢「老公」,當中司馬燕好友周美鳳、Jeana(何佩瑜)及洪欣等圈中人亦曾被騷擾。

周美鳳亦向周刊透露,因為受Summer騷擾,先知道Togi原來同呢個內地女撻著,周美鳳稱呢半年有十幾個女人畀Summer騷擾過,總之接觸過Togi嘅異性朋友,Summer都會用WhatsApp、SMS、Line騷擾對方,而周美鳳係因為尊重好友司馬燕,覺得係司馬燕嘅家事,自己先冇多講,形容對Togi識咗咁嘅女人,覺得「I felt so sorry」,周美鳳聲稱,內地女Summer今年5月傳咗自己同Togi嘅合照畀周美鳳睇,周美鳳表明唔會搶佢個Togi,亦同Togi講覺得唔開心,戥好友司馬燕唔抵,反而Togi叫周美鳳去報警。

周美鳳又喺周刊報道稱,覺得司馬燕忍耐力高好多,認為呢啲事唔係一朝一夕,不過,周美鳳講司馬燕接受治療嗰陣,Togi的確付出咗好多,周美鳳當時都覺得對方係好好丈夫,周刊都有搵過內地女Summer,對方就直認同Togi早已訂婚,之但係就冇透露司馬燕係唔係知道佢同Togi嘅關係,更以「老婆」自居。

司馬燕同老公Togi昔日係恩愛夫妻。(資料圖片) (Summer資料圖片) (Summer資料圖片)
鍾意就快D Share啦!