掃呢頁CODE去手機

2015年11月18日 星期三

何詩錫晒 下月開騷 最𡃁 band Boyz Reborn:繼續唱社會題 [FACE - 443] :),何詩,Boyz,何韻詩,MF,

Boyz Reborn成員因學業原因人數時有增減,現時有 8個成員,全部 15至 17歲中學生,用歌聲將少男心事唱畀你聽;點解冇女仔?因為女仔有心事會同人講唔使唱喎! 爆 Like王 何詩錫晒 下月開騷 最𡃁 band Boyz Reborn:繼續唱社會題 ...


Boyz Reborn成員因學業原因人數時有增減,現時有 8個成員,全部 15至 17歲中學生,用歌聲將少男心事唱畀你聽;點解冇女仔?因為女仔有心事會同人講唔使唱喎!

爆 Like王

何詩錫晒 下月開騷 最𡃁 band Boyz Reborn:繼續唱社會題

8個十幾歲中學生學人唱歌,你一定會話佢哋發明星夢、柴娃娃,但係 Boyz Reborn去年兩傘運動期間翻唱〈問誰未發聲〉及〈撐起雨傘〉觸動唔少人心,被黃耀明邀請上叱咤頒獎台合唱,何韻詩開騷亦邀請佢哋合唱,又喺多間學校同社區中心表演,嚟緊 12月 23日仲會喺浸大舉辦音樂會添。

Boyz Reborn前身係 Big Boyz Club,由社工 Eddie Sir帶領,歌曲主要圍繞學生哥對學業、家庭同成長等問題,將學生心聲唱畀成年人聽,唔好再話唔知佢哋諗乜!

F:《 FACE》  B: Boyz Reborn

F.點解咁細個就組成樂隊?

B:我哋係喺社區中心玩嗰陣認識, Eddie Sir係社工又識玩音樂,見我哋喺家庭同讀書方面都好多壓力,覺得屋企人同老師唔係好明白我哋,於是作歌畀我哋唱畀屋企人聽;例如讀書好大壓力唔識同屋企人講,〈新辛學子〉有段 rap係講「坐喺度溫習好似同本書唔係好夾」,有時成績唔好唔一定因為懶,其實教育制度係要人死讀書。如是者我哋開始唱出男孩心聲,組成 Big Boyz Club,今年年頭改名 Boyz Reborn。

何韻詩曾兩度邀請 Boyz Reborn喺演唱會做嘉賓,一齊合唱〈撐起雨傘〉。

組 band初期只係小學生,睇番 3年前海報 chok樣已經唔同晒,幾乎自己都唔認得。

F.同何韻詩合作感覺係點?

Boyz Reborn本來係義工小組,組 band後每年開一次音樂會,今年 12月係改名後首次,希望得到更多人認同。

B:好榮耀!我哋有幾個都好鍾意佢啲歌,佢同好多流行歌手唔同,我哋喺雨傘運動嘅時候認識,估唔到可以同偶像合唱,以前我哋係睇嗰個,𠵱家我哋都有份喺台上面,好得意!佢好友善,我哋有 6晚喺伊館表演,晚晚喺後台捕佢。有一晚佢過嚟同我哋影相,仲錫咗 Ivan一啖(點解錫你一啖?) Ivan:唔知佢喎。 Eddie:佢好錫年青人,有一、兩晚我哋唱錯歌詞,佢話唔緊要,聽晚再嚟過囉!綵排嗰陣,我哋有啲音準問題,佢冇挑剔反而鼓勵我哋,要保持純粹嘅堅持,因為我哋嘅音樂真係純粹為咗推廣音樂嘅意義

F.點解會唱有關政治嘅歌?

Boyz Reborn喺兩傘運動之後更多人認識,經常到各中、小學演出。

B:隊 band發展咗一兩年後, Eddie Sir開始 share啲新聞俾我哋睇,希望我哋關心社會,我哋亦開始主動了解;有次睇到一個窮人為充飢偷麵包嘅新聞,睇完好憤慨跟住同 Eddie講同埋做咗好多資料搜集寫咗隻〈貧困之家〉,之後到雨傘運動就繼續唱社會題材。雖然學生唔一定做到好多嘢,但希望盡綿力啫!

F.同學、老師點睇你哋隊 band?

Boyz Reborn現時已有 30幾首歌, YouTube點擊率總數超過 200萬,雖然 MV拍攝簡陋但誠意可嘉。

B:有少部份同學好仰慕我哋,男仔多;有啲人聽完會 po我哋啲歌詞喺 fb,其他人就有啲妒忌囉,哈哈!甚至乎有啲會嬲,點解你哋有咁嘅機會㗎?嬲嗰啲都係男仔。啱啱升中學嗰陣,好多同學聽到啲歌比較小朋友,笑我哋白痴成個小學雞咁;升中後同啲同學 fd啲,會了解我哋係做乜,甚至有啲認同,講出咗佢哋心聲呀!主動話睇我哋表演咁!老師都支持我哋,有老師會分享我哋呢個例子畀同學聽。我夠膽講,我哋呢個年紀唔會知第時想做乜,只不過日日返學,放學去玩,所以老師係支持我哋咁有目標。

攝影:周倪瑩

鍾意就快D Share啦!