熱爆娛樂: 【洗米嫂要離婚】洗米華黑面抵機場勁躁三人行出發 _

2015年12月19日星期六

【洗米嫂要離婚】洗米華黑面抵機場勁躁三人行出發 __,洗米華,陳慧玲,洗米嫂,周焯華,

說好的家族旅行，媽媽唔去，爸爸去。媽媽要同爸爸離婚，唔係因為去唔成旅行，而係因為爸爸太「多手」。

周焯華(洗米華)高調於鏡頭前世紀一拖Mandy Lieu，正印啞忍扮大方呢場戲，真係好難再演落去。男方既然高調拖第三者(誤)，女方亦只有配合，宣佈離婚，並指其實上月已經提出過，但洗米華唔肯。但今次，洗米嫂Heidi的配性用盡。

網民最花生無疑係分幾多身家，同埋「洗米嫂」係咪由M小姐接任。但係呢，Heidi最關心，都係小朋友嘅情緒同未來。咁所以，洗米家今日呢個家族旅行，Heidi雖未有同行，但洗米華照同仔女去，此行應該都會交代番，之後點樣。

今早7點45分，洗米華一家三口已抵機場準備出發。大批傳媒一早守候，洗米華臉色當然唔太好，頗為煩躁，子女亦走避不欲受訪，女兒就躲在一旁講電話。有傳媒問洗米華是否同子女去旅行？佢話:「係呀!」去日本？「係呀!」會唔會處理屋企啲嘢？洗米華面無表情:「冇呀!冇嘢講呀!」

至於兒子周柏豪就擁著妹妹，衝出記者陣，不住說:「唔好意思唔好意思。」洗米華亦三度表明，著傳媒唔好影小朋友。然後一家三口匆匆入閘。