2015年12月2日 星期三

好大膽 飯局密會四太仔女友 強國肌男硬撬 猷君是誰? [FACE - 445] __,猷君,梁安琪,四太,強國,中國,MF,

5呎10吋的孫祖君,講身材又確係撼贏文質彬彬猷君嘅!真面目好大膽 飯局密會四太仔女友 強國肌男硬撬 猷君是誰?新加坡孖女組合「By2」成員Yumi(白緯玲),去年傳出與賭王仔何猷君拍拖,兩人早前於中環拍拖又斷正,可惜四太多次公開叫猷君學業為重,結果Yumi發爛上ig反擊,一句「我不嫁豪門,我就是豪門」,唔放四太在眼內!未入門已經有「婆媳糾紛」,賭王新抱地位凍過冰水的Yumi,索性騎牛搵馬,轉冧內地 ...


5呎 10吋的孫祖君,講身材又確係撼贏文質彬彬猷君嘅!

真面目

好大膽 飯局密會四太仔女友 強國肌男硬撬 猷君是誰?

新加坡孖女組合「 By2」成員 Yumi(白緯玲),去年傳出與賭王仔何猷君拍拖,兩人早前於中環拍拖又斷正,可惜四太多次公開叫猷君學業為重,結果 Yumi發爛上 ig反擊,一句「我不嫁豪門,我就是豪門」,唔放四太在眼內!

未入門已經有「婆媳糾紛」,賭王新抱地位凍過冰水的 Yumi,索性騎牛搵馬,轉冧內地上位大隻男孫祖君。上週四( 26日), Yumi同新仔去蘭桂坊夜蒲,玩到半夜都唔願走。孫祖君亦向《 FACE》直認 Yumi係佢理想對象,仲學黃曉明當年金句:「猷君是誰?」

25歲孫祖君來自武漢,雖然身家一定唔及猷君,不過勝在高大威猛有腹肌,而且在內地開始上位,拍過多套電影及電視劇,早前更有份上謝霆鋒的《十二道鋒味》做嘉賓,武漢小鮮肉隨時爆紅!

Yumi(左)同孫祖君(右)有講唔完嘅話題,行緊斜路都要傾!

今年 8月孫祖君搞生日 P, By 2兩姊妹都有到場。

見到有記者, Yumi即縮入櫃員機,更立即 call何家的七人車去接佢哋。咦,四太畀唔畀你用車㗎?

老蘭轉兩場

上週四( 26日), Yumi同來港工作的孫祖君去蘭桂坊夜蒲,期間舉止親密,全程不斷細聲講大聲笑,當身旁同行的女性朋友透明。玩到接近凌晨 1點,三人再轉場繼續蒲!

雖然 Yumi同猷君傳緋聞傳足年幾,不過孫祖君話唔知猷君係邊位,亦冇聽過 Yumi提起,「我跟 Yumi在北京認識了很久,都沒聽過 Yumi跟我提過他(猷君),她朋友圈也沒有發過,所以我都不知道他是誰?也許他們只是好朋友吧!」

被捧打鴛鴦, Yumi即喺 ig話自己唔恨嫁入豪門!嗱,你話㗎,第時唔好反口喎!網上圖片

網上圖片

猷君同 Yumi多次被影到拖手行街,但猷君始終唔肯承認 Yumi正印地位。《蘋果日報》圖片

爆衫歌手

25歲孫祖君 09年由湖北去北京搵食,曾在《趙氏孤兒》、《不再讓你孤單》等電影做二打六, 13年憑大隻男身型嬴得《 Cool Guy》選拔賽全國冠軍,獲百事簽為代言人。剛推出首支單曲〈地心引力〉的孫祖君,將來港爭新人獎,隨時做埋新人王!

剛剛出咗第一隻碟,孫祖君去商台宣傳偶遇 Do Do姐,即被集郵!網上圖片

去新城新人巡禮仲識剝衫搶鏡。

去 Yumi屋企聽歌

情敵係身家過百億的賭王仔,不過孫祖君唔怕挑機,直認同 Yumi好夾,「我覺得跟 Yumi比較聊得來,有甚麼話我們都會說。之前她要求我去她家聽她的專輯,當時我聽了覺得特別棒!這是她對我的一種信任,我應該是她比較親的人吧!」

開到口話同 Yumi好襯,但一日未追到手,孫祖君都唔敢講得太肯定,「有些事情不用說出來,放在心裡比較好,一切順其自然吧!」 5呎 10吋幾又有 40吋胸肌,要同猷君拗手瓜都唔係冇可能喎!

採訪、撰文、攝影:娛樂組

場地提供︰ Fight Hard Fitness

鍾意就快D Share啦!
Related Posts Plugin for WordPress, Blogger...