屯門輕鐵良景站發生青年圍毆事件。目擊事件的吳小姐表示，昨晚11時15分，她到良田體育館打完排球後，到良景站往屯門方向月台候車回家，她玩手機期間，突然發現其他人望着對面呆住了，查看發現「對面有一班青年人，圍住幾個青年人，不斷拳打腳踢，佢哋出晒力，起晒飛腳！」
從吳小姐所提供的片段可見，約5名青年，遭約10名青年圍毆，其中3名遇襲青年在凳上抱頭，有兩名在地上被不斷「起飛腳」，有人邊踢邊斥「喊吖嗱！」吳小姐續說：「佢哋（被打青年）冇擋，打人嗰啲人講晒粗口，（又）話依家先講對唔住！」現場約10多人目擊事件，有數名少女「唔知係睇水定點」。
數分鐘後，吳小姐上輕鐵離開，「好驚，『O』咗嘴，第一次見到呢啲事，上咗車見到佢哋開始收手，我見到班人（被打青年）爆晒缸流晒血，真係想嘔。」她擔心傷者傷勢，「似皮外傷多，見到都恐怖，但唔係致命」
吳小姐指該處平日有保安員，昨日保安員卻沒有，她從近新聞得悉，近日區內「轉咗睇場，親友都話要小心啲」，同類件亦增加，並指「多咗生面口嘅人」，她希望警方及區議會關注事件，加強警員及保安巡邏，保障居民安全。
警方回覆查詢指，昨晚11時14分曾接獲報案，警方到場時現場平靜，沒有發現有人受傷。
想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|
