熱爆娛樂: 黑暗回憶　性侵疑兇活躍娛樂圈　 FFx Shirley：佢叫我影多輯 [FACE

2015年12月2日星期三

黑暗回憶　性侵疑兇活躍娛樂圈　 FFx Shirley：佢叫我影多輯 [FACE - 445] __,FFx,Shirley,楊澤怡,MF,

經過兩日嘅休息，週一 Shirley再度提起 X先生，舊事重提 Shirley依然口震震，睇嚟仲未驚完。

真面目

黑暗回憶　性侵疑兇活躍娛樂圈　 FFx Shirley：佢叫我影多輯

憑 900蚊 MV「彈起」嘅 FFx，成員之一有大學女神之稱嘅楊澤怡（ Shirley），上週五（ 27日）接受報紙獨家專訪，交代自己 3年前曾在接私影時慘遭性侵，網友除咗無限同情，亦希望可以將呢位對 Shirley下毒手嘅人渣攝影師 X先生繩之於法。

Shirley喺報導曾話 X先生仍活躍於圈中，原來 X先生今年幫過樂壇某女新人影唱片封套，更表示自己係某樂壇新人經理人。最變態係呢位 X先生竟然想 Shirley再影多輯， Shirley說：「佢話掛住我，又成日講呢件事要脅我，仲話不如揾一日同佢影過一輯相。」做乜仲唔報警？

21歲楊澤怡（ Shirley）除了為 FFx成員外，亦喺教育學院修讀大中華研究，自爆出被性侵後，由於網友反應大，對 Shirley亦構成很大壓力， Shirley連日來都將自己收埋喺大學宿舍，經過幾日嘅冷靜， Shriley週一（上月 30日）係教院接受本刊訪問，但依然十分驚青。

【校服私影】

3年前 Shirley為咗生活費，背住兒童之家，出外接私影，雖然有性感相，但祼照只影過一次。

【自稱踩場】

9月 FFx喺電腦節有 4場騷，當時 X先生仲話想去現場睇 Shirley。

【與敵同場】

又到年尾唔少樂壇又有頒獎禮，據知 X先生旗下新人都有份，更同 ffx同場。

「佢講呢件事要脅我！」

對於 X先生已入侵娛樂圈，仲曾經幫今年樂壇女新人影唱片封套， Shirley就話:「我知佢近年有喺娛樂圈發展，佢話會撞到我。」原來 X先生自 3年前影完 Shirley祼照，就不時用 Wechat騷擾，她說：「佢嗰陣話睇返我以前啲相，跟住話好掛住我咁樣，佢就講呢件要脅我，我一直都避佢，我自己好難受、好擔心，佢又成日話會喺某啲場合見到我咁樣，所以我一路都好驚。」

有人覺得 Shirley被侵犯，但點解事後仲同 X先生會面， Shirley解釋全因想求對方將所有相刪除，她說:「我出去嗰陣同佢講話刪除所有相，其實我嗰陣一路都好驚，佢嗰陣成日叫我去佢屋企，仲話不如揾一日妳同我影過一輯相啦。但其實佢嘅目的好清楚。我見到佢嗰陣好驚，一路忍住唔喊囉。」致於點解未報警，原來慘事曝光後， Shirley心情難以平復根本沒法落口供，她說:「有考慮緊報警，因為我中學的社工呀,經理人啦都有幫我安排。」希望 Shirley勇敢啲，將呢個 X先生交俾警方。