余詩曼現 MK千杯未醉 [FACE - 445] __,MF,

由於喺旺角市中心，阿佘不得不戴返個口罩避免被人認出，放心，阿佘未醉！全知言余詩曼現MK千杯未醉期待已久嘅電影版《十月初五的月光》上咗畫個多星期，唔知大家對套戲有咩評價，但一班演員確係俾心機做，中、港、澳票房加埋亦火速收過5,000萬人仔算有交代！上週三（25日）《十》片舉行慶功宴，主角佘詩曼、張智霖、家燕姐等都有出席，Chilam仲賣口乖，話多得電影帶挈令佢喺內地嘅演唱會賣飛情況理想添！既然大家都 ...

由於喺旺角市中心，阿佘不得不戴返個口罩避免被人認出，放心，阿佘未醉！

全知言

余詩曼現 MK千杯未醉

期待已久嘅電影版《十月初五的月光》上咗畫個多星期，唔知大家對套戲有咩評價，但一班演員確係俾心機做，中、港、澳票房加埋亦火速收過 5,000萬人仔算有交代！

上週三（ 25日）《十》片舉行慶功宴，主角佘詩曼、張智霖、家燕姐等都有出席， Chilam仲賣口乖，話多得電影帶挈令佢喺內地嘅演唱會賣飛情況理想添！既然大家都咁開心，慶功宴上當然要飲多杯

當晚慶功宴一眾演員都坐足 4粒鐘，至晚上 11點幾先輪住走人， Chilam更加飲到醉晒，要由友人傍住再拖實老婆靚靚行上車，應該真係好高興。 15分鐘後佘詩曼戴住口罩現身，出名飲得嘅阿佘唔單止唔使人扶住落樓梯，佢仲可以自己行去上車。話時話，全知言真係未見過阿佘飲醉，有人見過嘅請舉手！

拍電視版時傳出緋聞，今時今日嘅 Chilam懂得同阿佘保持距離，加上老婆袁詠儀在場睇實呢！

飲飽食醉，阿佘仲可以自己落樓梯全程唔使人扶，叻叻豬！

Chilam酒醉都有三分醒，行到半路發覺老婆靚靚落後，即時停低等埋先。

票房好快已有 5,000萬，難怪各演員都好高興，家燕姐仲一馬當先飲啖先！

Chilam拖返老婆，至工作人員亦繼續扶住醉醉哋嘅 Chilam上車離開。

鍾意就快D Share啦！

下一篇 》