掃呢頁CODE去手機

2015年12月19日 星期六

【多圖】IU再來港 即場清唱《囍帖街》甜笑忘詞 __,IU,

早前來港開騷,以廣東話演唱謝安琪嘅《囍帖街》而令知陪度大大提升嘅韓國女歌手IU今日再度來港,出席銅鑼灣皇室堡舉行嘅聖誕活動,吸引大批粉絲逼爆四層商場,當中劉鑾雄及甘比更帶同仔女到場。於下午3時左右,以全白套裝現身嘅IU騷靚腿出場,粉絲亦即尖叫歡呼,而IU亦有揮手回應,更用廣東話「大家好」冧粉絲。對於再嚟香港,IU就話:「0依家韓國好凍,但香港就好溫暖,加上現場有好多粉絲,令我更溫暖。」問到難得來港 ...




其他影片:>>






早前來港開騷,以廣東話演唱謝安琪嘅《囍帖街》而令知陪度大大提升嘅韓國女歌手IU今日再度來港,出席銅鑼灣皇室堡舉行嘅聖誕活動,吸引大批粉絲逼爆四層商場,當中劉鑾雄及甘比更帶同仔女到場。

於下午3時左右,以全白套裝現身嘅IU騷靚腿出場,粉絲亦即尖叫歡呼,而IU亦有揮手回應,更用廣東話「大家好」冧粉絲。對於再嚟香港,IU就話:「0依家韓國好凍,但香港就好溫暖,加上現場有好多粉絲,令我更溫暖。」問到難得來港,會唔會係香港過埋聖誕節,IU就一面可惜咁話到時應該會喺韓國度過,不過佢今日就會提早同香港粉絲過節,粉絲即歡呼。

期後大會司儀就提起IU早前唱《囍帖街》大受讚賞,更要求佢即場清唱一次,IU聽到之後都冇托手踭,仲撒嬌話:「我可能會唔記得少少歌詞,希望大家唔好介意。」IU之後就唱出副歌一少段,期間雖然唔記得少少歌詞,但得到司儀提點就重唱,得到全場大讚唱得好,而IU更以廣東話「多謝」回應大家。之後佢更唱出《Friday》,更做出心心手勢同微微咁郁動身體跳舞。

IU就請咗兩個粉絲上台玩遊戲,鬥快郁動身體將圍裙上嘅牌搖落地,而比賽前IU就好細心咁各自幫粉絲戴上圍裙,比賽時IU更用廣東話「加油」幫粉絲打氣,而賽後IU更同粉絲影合照,更應粉絲要求自拍,不過未知係咪怕男朋友仔呷醋,IU同男粉絲合照時就唔太親密,相反同女粉絲就特登就返粉絲高度,非常貼心。而完場前,IU再用廣東話:「恭喜發財、多謝大家、身體健康。」但就比司儀講笑指佢搞笑,喺聖誕節講新年賀語。

訪問期間,問到聖誕節會點過,IU就話會喺工作中度過,因為年尾有好多騷,聽日又要去北京開騷,明年1月又要去台灣開騷,好多事要準備,所以連休息時間都冇。而提到之前喺香港唱《囍帖街》得到Wyman同Eric Kwok激讚,將來會唔會考慮同佢哋合作時,IU話:「我當然好榮幸,個時開騷好想為香港粉絲準備特別環節,所以記準備咗呢首兩,練習個時好辛苦,因為我廣東話唔好,但得到台下粉絲拍手我覺得好有自信,好開心,第二日又見到歌曲創作人讚,覺得自己辛苦得黎有成果。」IU仲話2015年對佢嚟講好有意義,如果可以時光倒流,都會想過多次2015,而對於2016年,IU就話想做個成熟又懂得享受生活嘅女人。

「當初的喜帖金箔印著那位他…」
IU嘅表情,好似話俾人知佢唔係好明白講緊咩…
這些機會真係唔係你哋0架!

鍾意就快D Share啦!