2015年12月2日 星期三

大把貨 飛甩 TVB唔使愁 羅天池富老婆廣西開酒莊 [FACE - 445] __,羅天池,TVB,MF,

37歲羅天池太太徐曉浟羅天池雖然娶到個有米老婆徐曉浟,不過成個婚禮使費都係由男方全包,老婆唔使出一分一毫。 網上圖片真面目大把貨 飛甩TVB唔使愁 羅天池富老婆廣西開酒莊炒大台魷魚嘅「阿登」羅天池,離開後工作有升冇跌,𠵱家仲忙緊為內地劇集《女總裁的貼身高手》開工,角色有發揮,工作仲排到下年5月,總算有新開始!事業有起色,羅天池亦娶得嬌妻,早前補擺27圍喜酒!而且羅天池老婆徐曉浟(音:柔)原來好猛料 ...


37歲羅天池

太太徐曉浟

羅天池雖然娶到個有米老婆徐曉浟,不過成個婚禮使費都係由男方全包,老婆唔使出一分一毫。 網上圖片

真面目

大把貨 飛甩 TVB唔使愁 羅天池富老婆廣西開酒莊

炒大台魷魚嘅「阿登」羅天池,離開後工作有升冇跌,𠵱家仲忙緊為內地劇集《女總裁的貼身高手》開工,角色有發揮,工作仲排到下年 5月,總算有新開始!

事業有起色,羅天池亦娶得嬌妻,早前補擺 27圍喜酒!而且羅天池老婆徐曉浟(音:柔)原來好猛料,喺廣西經營酒莊生意,閒時仲會周圍旅遊享受生活!唔驚俾人講閒話,羅天池話:「做男人自己靠自己,又唔係唔夠食!」老婆聽到實冧爆

《愛.回家》「阿登」羅天池滿約後離開大台,臨走仲暗串大台寧願請外援都唔畀機會訓練班同學仔發揮,自嘲撈足 15年都冇起色,加上結埋婚膊頭重咗,緊係唔再留係大台捱騾仔

「 TVB奀星搵錢唔穩定」

唔聲唔聲,羅天池同大連女友徐曉浟已經註冊 2年,他說:「老婆係老友契妹,識咗覺得幾正,緊係即時捉實,拍拖半年就決定結婚!成個婚禮使咗幾十萬,因為朋友太多都要盡量 cut,最後擺得 27圍都有啲唔好意思!」

娶到有米老婆驚唔驚惹人閒話,他說:「你拉咩嚟講都得㗎做呢行,我哋男人自己靠自己,又唔係唔夠食!如果真係咁有錢,我就住豪宅(老婆有間酒莊?)酒莊係廣西,佢係其中一個老闆,自己有參觀過,嗰度大約有 2千呎。(生意做到好大?)都 ok嘅!我都同佢講過我呢啲 TVB奀星仔,搵錢唔穩定,不過佢都好信我!」問到點過外母嗰關,天池說:「外母好好人,佢都有考慮過戲子會唔會好花心,自己只係真誠對佢好,佢都 feel到,如果吓吓要講錢同家底就冇得講!」

羅天池老婆徐曉浟喺廣西擁有一間 2千呎酒莊,裡面放滿各式各樣名酒。 網上圖片

羅天池老婆做埋代購美容產品,乜都撈。網上圖片

雖然徐曉浟係老闆,不過閒時都會到酒莊巡視,仲會開心「些牙」工作照添! 網上圖片

「接 job接到出年」

羅天池仲話事業終於有起色,「𠵱家拍緊套網劇《女總裁的貼身高手》,拍完月尾會開一部港產片,比較重啲嘅角色。暫時手頭上工作都排到下年 4、 5月,嚟緊有一套仲會去希臘拍!(大台有叫過番去?)冇呀!冇呀!呢個時候唔會返去既然出得去闖,乜都試下囉!」

羅天池喺大台撈足 15年,最為人熟悉作品一定係《愛.回家》「阿登」一角,仲同劇中演員黎諾懿等好老友。 網上圖片

得閒四圍飛

羅天池經常孖住老婆打拳做運動,但原來老婆原本唔鍾意做運動,由靜變動,愛情嘅魔力真係大!網上圖片

羅天池不時孖住老婆周圍飛,到處吃喝玩樂,生活好歎、好寫意㗎!

因為鄭世豪上載合照,網民先知「阿登」羅天池約滿後都會離開大台,而網民都好支持佢㗎! 網上圖片

羅天池離開大台都唔使愁,𠵱家就為內地網劇《女總裁的貼身高手》開工,親身上陣打餐死,角色仲好有發揮添! 網上圖片

娶個有米老婆好過捱

娶到個有米老婆,閒言閒語預咗要硬食,娛圈中更有唔少例子,男方都係娶到個富太太,身家仲係億億聲㗎!

Mr.主音 Alan同「玩具富豪」陳明耀嘅掌上明珠 Sally喺四季酒店豪擺喜酒,筵開 32席,成個婚禮用咗過百萬使費。

《蘋果日報》圖片

黎諾懿娶得家族做美容生意嘅落選港姐李潔瑩,隨即升呢做「 5億女婿」,雖然有指同外父爆不和,搞到黎諾懿要轉揸韓國 KIA車代步,不過你有你繼續講,兩公婆感情完全冇受影響。

「巨聲幫」隊長劉威煌被爆同億萬千金女友 Sandy喺日本沖繩註冊結婚,雖然老婆好有米,不過佢話堅拒使老婆錢㗎!

採訪、撰文:娛樂組

鍾意就快D Share啦!
Related Posts Plugin for WordPress, Blogger...